Urxan Ələkbərov: Ombudsman Aparatı və DİA-nın əməkdaşlığı elmi tədqiqatlara töhfə verəcək
Bakı, 28 dekabr, AZƏRTAC
Azərbaycan Respublikası uğurla inkişaf edir və bunun əsasını müasir texnologiyalar, dövlət idarəetmə texnologiyaları, dövlət qurumları, elmi və tədris müəssisələri arasında sıx əlaqələr təşkil edir.
AZƏRTAC xəbər verir ki, bu fikirləri jurnalistlərə açıqlamasında Azərbaycan Respublikasının Prezidenti yanında Dövlət İdarəçilik Akademiyasının (DİA) rektoru akademik Urxan Ələkbərov bildirib.
O, Azərbaycan Respublikasının insan hüquqları üzrə müvəkkili (ombudsman) Aparatı ilə DİA arasında imzalanmış əməkdaşlıq haqqında anlaşma memorandumunun əhəmiyyətini qeyd edib: “Bu əməkdaşlıq həm tədris prosesinə, həm də elmi tədqiqatlara böyük töhfə verəcək. Çünki bu, tamamilə yeni imkanlar yaradır”.
Akademik qeyd edib ki, bu təsisat son illərdə böyük uğurlar əldə edib və beynəlxalq aləmdə onun nüfuzu durmadan artır. “Bu, tələbələrimiz üçün çox vacib bir amildir və ölkəmizin müasir texnologiyalar və yeni idarəetmə metodları əsasında inkişafını daha da gücləndirir,” - deyə Urxan Ələkbərov vurğulayıb.
Bölmənin digər xəbərləri
