UŞAQ HÜQUQLARINA DAİR YENİ KİTAB NƏŞRİ HAZIRLANIR
Azərbaycan dövlət müstəqilliyi əldə etdikdən sonra insan hüquqları və azadlıqlarının müdafiəsi sahəsində bir sıra aktlara, o cümlədən BMT-nin “Uşaq hüquqlarına dair” Konvensiyasına, “Yetkinlik yaşına çatmayanlar barəsində ədalət mühakiməsinin həyata kecirilməsinə aid minimal standartlara dair BMT qaydaları”na (Pekin qaydaları) qoşulmuşlar. Həmin sənədlər və Azərbaycan Respublikasının tərəfdar çıxdığı digər beynəlxalq aktlar əsasında “Yetkinlik yaşına çatmayanların işləri və hüquqlarının müdafiəsi üzrə komissiyalar haqqında” qanun layihəsi işlənib hazırlanmış və Milli Məclis tərəfindən qəbul edilmişdir.
Azərbaycan Gənc Hüquqşünaslar Birliyi Açıq Cəmiyyət İnstitutu Yardım Fondunun dəstəyi ilə həmin qanunun şərhi barədə kitab nəşr edəcəkdir. Kitabın müəllifi Milli Məclis Aparatının inzibati və hərbi qanunvericilik şöbəsinin baş məsləhətçisi İlqar Cəfərovdur.
Kitab uşaq hüquqları sahəsində fəaliyyət göstərən mütəxəssislər və müvafiq dövlət qurumlarının əməkdaşları üçün nəzərdə tutulmuşdur.
Bölmənin digər xəbərləri
