UŞAQ MUĞAM İFAÇILARININ IV RESPUBLİKA MÜSABİQƏSİNİN YEKUN TURU ASTARA ŞƏHƏRİNDƏ KEÇİRİLƏCƏK
AZƏRTAC xəbər verir ki, IV uşaq muğam ifaçıları respublika müsabiqəsinin yekun turu may ayının 14-dən 18-dək Astara şəhərində keçiriləcəkdir.
Azərbaycan xalqının mədəni sərvətlərini qoruyub saxlamaq və inkişaf etdirmək, muğam sənətinə, xalq mahnıları və təsniflərə marağı artırmaq, istedadlı gənc muğam ifaçılarını aşkara çıxarmaq məqsədi ilə keçirilən müsabiqənin qalibləri üçün aşağıdakı mükafatlar təsis edilmişdir: 1-ci mükafat-500 manat, birinci dərəcəli diplom və laureat adı, 2-ci mükafat-300 manat, ikinci dərəcəli diplom və laureat adı, 3-cü mükafat-250 manat, üçüncü dərəcəli diplom və laureat adı, 4-cü mükafat-200 manat, dördüncü dərəcəli diplom və laureat adı.
Müsabiqənin qaliblərinə hər biri 100 manat olmaqla 5 həvəsləndirici mükafat da təqdim ediləcəkdir.
Qaliblərin təltifolunma mərasimi və yekun konserti Bakı şəhərində, Rəşid Behbudov adına Mahnı Teatrında keçiriləcəkdir.
Bölmənin digər xəbərləri
