USTAD TARZƏNİN YUBİLEYİNƏ HƏSR OLUNMUŞDUR
Bakı Musiqi Akademiyasında ustad tarzən, xalq artisti, BMA-nın professoru Ramiz Quliyevin anadan olmasının 55 illiyinə həsr edilmiş mərasim keçirilmişdir. Akademiyanın rektoru, professor Fərhad Bədəlbəyli mərasimi giriş sözü ilə açaraq, tarzənin yaradıcılığından və Azərbaycan musiqi ifaçılığı sənətinin inkişafındakı böyük xidmətlərindən danışdı.
Azərbaycan Bəstəkarlar İttifaqının birinci katibi, xalq artisti Vasif Adıgözəlov çıxışında Ramiz Quliyevin ifaçılığının özünəməxsus xüsusiyyətlərindən söhbət açaraq, onun Azərbaycan milli musiqi sənətinin ən görkəmli nümayəndələrinin layiqli davamçısı olduğunu vurğuladı.
Sonra ustad tarzənin ifasında muğam, Niyazi adına simfonik orkestrin müşayiəti ilə Azərbaycan və xarici ölkə bəstəkarlarının əsərləri səsləndi.
Mərasimdə respublikanın tanınmış incəsənət xadimləri iştirak edirdilər.
Bölmənin digər xəbərləri
