VAHİD RƏYƏ GƏLƏ BİLMƏDİLƏR

11.12.2003 [21:03]
Çap et
A⁺ A^-

Xəzəryanı ölkələrin nümayəndələri Xəzər dənizi problemlərinə dair Həştərxanda keçirilmiş müşavirədə 2004-cü ildə nərə növündən olan balıqların ovlanması kvotası və limitlərinin bölgüsü məsələsində vahid rəyə gələ bilməmişlər. AZƏRTAC xəbər verir ki, bunu jurnalistlərə balıqçılığın mühafizəsi və tənzimlənməsi üzrə Ural-Xəzər Hövzə İdarəsinin rəisi Yuri Romaşin bildirmişdir.

O demişdir ki, bəzi ölkələr, o cümlədən bu yaxınlarda yeni balıqyetişdirmə zavodunun işə salındığı Azərbaycan nərə balığı ovlanması payının artırılmasını tələb edir.

Tərəflər kvotaların flora və faunanın kökü kəsilməkdə olan növlərinin beynəlxalq ticarəti haqqında BMT Konvensiyasına uyğun olaraq artırılmasına dair öz təkliflərini elmi surətdə əsaslandırmağı və qəti qərar qəbul olunması üçün 2004-cü ilin əvvəllərində yenidən görüşməyi qərara almışlar.

VAHİD RƏYƏ GƏLƏ BİLMƏDİLƏR

MÜƏLLİFLƏ ƏLAQƏ

Bölmənin digər xəbərləri