Vatsapda bundan sonra eyni vaxtda iki akkauntdan istifadə mümkün olacaq
Bakı, 19 oktyabr, AZƏRTAC
Bu gündən başlayaraq vatsapın eyni vaxtda şəxsi və işçi akkauntundan istifadə etmək mümkün olacaq.
AZƏRTAC bu barədə vatsapın bloquna istinadla xəbər verir.
Bu, o deməkdir ki, istifadəçinin akkauntu hər dəfə dəyişdirdikdə çıxışına, özü ilə iki telefon daşımasına və ya digər akkauntdan səhvən ismarış göndərmək kimi narahatlığına ehtiyac olmayacaq.
Yenilikdən yararlanmaq üçün daha bir telefon nömrəsi və ya SIM-kart əldə etmək lazımdır. Layihə müəlliflərinin dediyi kimi, bu məqsədlər üçün birbaşa bir neçə SIM-kart və ya eSIM-i dəstəkləyə biləcək smartfon münasibdir.
Funksiyanın qoşulmasından ötrü tətbiqin sazlama bölməsinə daxil olmaq, adın yanındakı oxu basaraq “Akkaunt əlavə etməy”i seçmək lazımdır. Bildirişlərə və məxfilik parametrlərinə gəlincə, o halda onları hər hesablama qeydi üçün ayrıca olaraq sazlamaq lazımdır.
Bölmənin digər xəbərləri
