Vəzifə qrupları üzrə keçirilən test imtahanından müvəffəqiyyət əldə etmiş şəxslərin nəzərinə!
Bakı, 4 may, AZƏRTAC
İnzibati icraçı (B növ) vəzifələrə aid olan vəzifə qrupları üzrə keçirilən test imtahanında müvəffəqiyyət qazanmış şəxslərin sertifikat əldə etmək üçün qeydiyyatı başa çatır.
Dövlət İmtahan Mərkəzindən AZƏRTAC-a bildirilib ki, inzibati vəzifələrin B növünə (inzibati icraçı vəzifələr) aid olan vəzifə qrupları üzrə dövlət qulluğuna qəbul üçün aprelin 22-də təşkil olunan test imtahanından müvəffəqiyyətlə keçən namizədlər sertifikat əldə etmək üçün mayın 4-də saat 18:00-dək https://eservices.dim.gov.az/dqq/Xidmet/CertReg keçidinə daxil olub müraciət formasını doldurmalıdırlar. Namizədin təqdim etdiyi məlumatların düzgünlüyünün yoxlanılması məqsədilə ali təhsil haqqında sənədin və əmək kitabçasının (olduğu halda) skan edilmiş surətləri formaya əlavə edilməlidir.
Bölmənin digər xəbərləri
