Vladanka Andreyeva: Mina təhlükəsi davamlı inkişafa, həmçinin sülhə nail olunmasına maneə yaradır
Bakı, 4 noyabr, AZƏRTAC
Azərbaycan da mina təhlükəsindən zərər çəkən ölkələr sırasındadır. Vətən müharibəsindən sonra yüzlərlə azərbaycanlı mina partlayışının qurbanı olub. Təkcə son 3 ildə 65 mülki insan həyatını itirib. Dünən Tərtərdə bir nəfər mülki şəxs yenə minadan zərər çəkib. Bütün bunlar ürək ağrıdır.
AZƏRTAC xəbər verir ki, bunu BMT-nin rezident əlaqələndiricisi Vladanka Andreyeva Milli Məclisdə keçirilən “Mina təhlükəsi ilə mübarizə - partlayıcı sursatların ekosistemə təsiri” mövzusunda ictimai dinləmə zamanı bildirib.
O vurğulayıb ki, mina təhlükəsi davamlı inkişafa, həmçinin sülhə nail olunmasına maneə yaradır. Mina təhlükəsi nəticəsində nəinki insanlar həyatını itirir, bu təhlükə həm də torpağa, onun münbitliyinə mənfi təsir edir.
Bu sahədə ANAMA-nın işini yüksək qiymətləndirən BMT-nin rezident əlaqələndiricisi 2020-ci ildən BMT-nin təşkilat və qurumları ilə aparılan əməkdaşlıq əlaqələrindən söz açıb, xeyli işlər görüldüyünü bildirib.
Bölmənin digər xəbərləri
