“Volverhemton” Raul Ximenezi rekord məbləğə transfer etmək istəyir
Bakı, 29 mart, AZƏRTAC
İngiltərənin “Volverhemton” futbol klubu Raul Ximenezi rekord qiymətə transfer etmək istəyir.
AZƏRTAC İngiltərə KİV-lərinə istinadla xəbər verir ki, hazırda “Volverhemton”da icarə əsasında forma geyinən 27 yaşlı meksikalı hücumçunu klub 25 milyon funt-sterlinqə bir dəfəlik transfer edəcək. Bu məbləğ İngiltərə klubu üçün rekord qiymət olacaq.
Qeyd edək ki, Raul Ximenez cari mövsümdə “Volverhemton”un heyətində keçirdiyi 35 oyunda 15 qol vurub və 7 məhsuldar ötürmə edib.
Bölmənin digər xəbərləri
