VÜQAR HƏŞİMOVUN DAHA BİR QIZIL MEDALI
Bakı, 11 oktyabr (AZƏRTAC). Azərbaycanlı beynəlxalq qrossmeyster Vüqar Həşimov növbəti dəfə fəxri kürsünün ən yüksək pilləsinə qalxmışdır.
Həmyerlimiz oktyabrın 3-dən 11-dək Makedoniyanın Oxrid şəhərində keçirilən şahmat üzrə 25-ci klublararası Avropa kuboku yarışlarında İsrailin “Aşdod” komandasını təmsil etmişdir.
Öz taxtasında ən yüksək nəticə göstərmiş Həşimov fərdi hesabda 6 oyundan 5 xal toplayaraq (4 qələbə, 2 heç-heçə) qızıl medala sahib çıxmışdır. İkinci yerə ukraynalı Yevgeni Miroşniçenko, üçüncü yerə isə Rusiya şahmatçısı Mixail İvanov layiq görülmüşlər.
Onu da qeyd edək ki, Azərbaycanın bir nömrəli şahmatçısı Vüqar Həşimov son ay ərzində iştirak etdiyi hər 3 turnirin qalibi olmuşdur.
######
Bölmənin digər xəbərləri
