VYANADA JURNALİSTLƏR ÜÇÜN SEMİNAR
İyulun 8-10-da Vyanada MDB ölkələrinin və Baltikyanı ölkələrin jurnalistləri üçün seminar keçirilmişdir. Beynəlxalq Valyuta Fondu tərəfindən təşkil olunmuş seminarda ölkəmizi Azərbaycan Dövlət İnformasiya Agentliyinin - AZƏRTAC-ın və “Ayna” qəzetinin jurnalistləri təmsil etmişlər.
Seminar iştirakçılarına BVF-nin strukturu və fəaliyyətinin əsas istiqamətləri haqqında məlumat verilmişdir. Fondun ikinci Avropa departamentinin nümayəndəsi Robert Kristiansen iqtisadiyyatın qloballaşması dövründə BVF-nin rolu barədə disput-söhbət aparmışdır. Jurnalistlərə BVF-nin baş ofisinin rəhbərliyi ilə videotelekonfransda iştirak etmək imkanı verilmişdir.
Bölmənin digər xəbərləri
