XALQ CÜMHURİYYƏTİ TARİXİNƏ DAİR DƏYƏRLİ NƏŞR
Azərbaycan yenidən müstəqilliyə qovuşduqdan sonra Xalq Cümhuriyyəti tarixinin öyrənilməsinə diqqət artmışdır. Bununla belə, Zaqafqaziya Seymindən Azərbaycan Xalq Cümhuriyyəti parlamentinin yaranmasına qədər olan dövr, xüsusilə Seymin Müsəlman fraksiyasının və Azərbaycan Milli Şurasının fəaliyyəti tarix ədəbiyyatında öz əksini kifayət qədər tapmamışdır. Bu baxımdan adı çəkilən kitabın nəşri çox əhəmiyyətlidir və xalqımızın qabaqcıl oğullarının Azərbaycanın müstəqilliyi uğrunda apardıqları gərgin mübarizəni əks etdirir.
Milli Arxiv İdrəsinin rəisi Ataxan Paşayevin geniş müqəddimə yazdığı kitabda Zaqafqaziya Seyminin Müsəlman fraksiyasının, Zaqafqaziya Mərkəzi Müsəlman İttifaqının və Azərbaycan Milli Şurasının 1918-ci il martın 16-dan dekabrın 3-nə qədər olan dövrdə keçirilmiş iclaslarının 35 protokolu və onlara əlavələr toplanmışdır. Bunlardan Azərbaycan dilində olan 3 protokol ərəb qrafikasından latın qrafikasına keçirilmişdir. Rus dilində olan sənədlərdən istifadədə çətinlik çəkən oxucular kitabın müqəddiməsində həmin sənədlərin məzmunu ilə geniş tanış ola biləcəklər.
Bölmənin digər xəbərləri
