“XƏZƏR-LƏNKƏRAN” FUTBOL KLUBUNUN MƏŞQÇİLƏR KORPUSU İSTEFAYA GÖNDƏRİLMİŞDİR
“Xəzər-Lənkəran” futbol komandası UEFA kuboku turnirində uğursuz çıxış etdiyindən klubun məşqçilər korpusu istefaya göndərilmişdir.
Klubdan AZƏRTAC-a bildirmişlər ki, UEFA Kubokunun ilkin təsnifat mərhələsinin cavab qarşılaşması çərçivəsində Polşanın “Lex” komandası ilə oyundan əvvəl “Xəzər-Lənkəran”ın rəhbərliyi məşqçilər heyəti və futbolçularla birgə iclas keçirmişdir. İclasda komandanın qarşısına növbəti mərhələyə yüksəlmək vəzifəsi qoyulduğu bildirilmiş, məşqçilərə vəzifələrinin öhdəsindən gələ bilmədikləri halda klubda kadr islahatlarının qaçılmaz olduğu vurğulanmışdır.
Lakin “Xəzər-Lənkəran” komandası “Lex”ə 4:1 hesabı ilə məğlub olduqdan sonra, klub rəhbərliyi dərhal baş məşqçi Ağasəlim Mircavadovu, yardımçı məşqçi Tofiq İsmayılovu və seleksiyaçı-məşqçi Bəxtiyar Musayevi istefaya göndərmişdir.
Bölmənin digər xəbərləri
