“XƏZƏRİN EHTİYATLARINDAN DÜNYA BAZARLARINDA İSTİFADƏ EDİLMƏSİ”
Tbilisi prospektindəki İdman-konsert kompleksində “Xəzərin ehtiyatlarından dünya bazarlarında istifadə edilməsi” mövzusunda doqquzuncu beynəlxalq konfrans keçirilir. İclaslarda 20-dən çox məruzə dinləniləcəkdir. Konfransın həmsədrləri ARDNŞ-in prezidenti Natiq Əliyev və Beynəlxalq Neft və Qaz Direktorluğunun sabiq direktoru Kennet Forrestdir. Birinci iclasda regiondakı yataqların işlənilməsi və məhsulun nəqlinə dair layihələr barədə son yeniliklər müzakirə olunmuşdur. Natiq Əliyev konfransın açılışında çıxış edərək bildirmişdir ki, xarici sərmayəçiləri cəlb edən amillərdən biri dünyanın neft ehtiyatlarının 15 faizinin Xəzər regionunda olmasıdır. AMOK-un prezidenti Devid Vudvord “Azəri-Çıraq-Günəşli” yataqlarının tammiqyaslı işlənilməsinə həsr olunmuş məruzə ilə çıxış etmişdir.
Konfransın iyunun 6-da keçirilmiş iclası Xəzər regionunda sənayenin inkişafına beynəlxalq maliyyə dəstəyinə həsr olunmuşdu. İclasda Xəzərin enerji ehtiyatlarının regionun gələcək iqtisadi inkişafına, neft və qaz avadanlığı istehsal edən sənaye müəssisələrinin özəlləşdirilməsinə, kadrların seçilməsi və öyrədilməsinə, regional energetika kadrlarının beynəlxalq maliyyə təşkilatları tərəfindən dəstəklənməsinə təsiri məsələləri müzakirə edilmişdir.
Bölmənin digər xəbərləri
