“XOCALI QIRĞINI – XX ƏSRİN ƏN BÖYÜK FACİƏSİ”
Azərbaycan Dövlət Pedaqoji Universitetində Xocalı soyqırımının ildönümü ilə əlaqədar mərasim keçirilmişdir. Əvvəlcə soyqırım qurbanlarının xatirəsi bir dəqiqəlik sükutla yad edildi.
Universitetin rektoru, professor Bəhlul Ağayev tədbiri açaraq, bədnam ermənilərin əsrlər boyu torpaqlarımızda, xüsusilə 1992-ci il fevralın 26-da Xocalıda törətdikləri dəhşətli faciələri, vəhşilikləri, o cümlədən minlərlə günahsız qocaların, qadınların, uşaqların qırğına məruz qaldığını xatırlatdı.
Sonra Azərbaycan tarixi kafedrasının professoru Xəlil Köçərli “Xocalı qırğını-XX əsrin ən böyük faciəsi” mövzusunda məruzə ilə çıxış etdi.
Azərbaycan tarixi kafedrasının müdiri, professor Süleyman Məmmədov, fəlsəfə kafedrasının müdiri, dosent Bəşir Fərəcov, ümumi coğrafiya kafedrasının müdiri, dosent Mustafa Əliyev və başqaları çıxış edərək, torpaqlarımızın 20 faizini işğal altında saxlayan məkrli düşmənin bədnam əməllərindən danışdılar, görkəmli dövlət xadimi, Azərbaycan Prezidenti Heydər Əliyevin məqsədyönlü siyasəti sayəsində tezliklə Azərbaycanın ərazi bütövlüyünün təmin olunacağına əmin olduqlarını bildirdilər.
Sonra mərasim iştirakçıları Xocalı faciəsini əks etdirən foto-sərgi ilə tanış oldular.
Bölmənin digər xəbərləri
