Xocalı şəhəri ağır hərbi texnikadan istifadə olunmaqla yerlə-yeksan edilib
Bakı, 25 fevral, AZƏRTAC
Fevralın 25-də Azərbaycan Milli Elmlər Akademiyasının Nəsimi adına Dilçilik İnstitutunda Xocalı soyqırımının 27-ci ildönümünə həsr olunmuş tədbir keçirilib. Əvvəlcə Xocalı soyqırımı qurbanlarının xatirəsi bir dəqiqəlik sükutla yad edilib.
İnstitutdan AZƏRTAC-a bildirilib ki, tədbirdə Dilçilik İnstitutunun direktoru, akademik Möhsün Nağısoylu Ermənistan silahlı qüvvələrinin Xocalıda törətdiyi cinayətlərdən söz açıb. Bu faciəyə ilk dəfə hüquqi-siyasi qiymətin yalnız xalqımızın ümummilli lideri Heydər Əliyevin Azərbaycanda siyasi hakimiyyətə qayıdışından sonra verildiyini bildirib.
Akademik deyib ki, Xocalı soyqırımının və Azərbaycan həqiqətlərinin dünya ictimaiyyətinə çatdırılması Prezident İlham Əliyevin xarici siyasətinin tərkib hissəsini təşkil edir.
M.Nağısoylu diqqətə çatdırıb ki, Xocalı şəhəri ağır hərbi texnikadan istifadə olunmaqla darmadağın edilib.
Çıxış edənlər Xocalı soyqırımını insanlığa qarşı törədilmiş ən ağır cinayət adlandırıblar.
Bölmənin digər xəbərləri
