Xorvatiya katolik kilsəsinin başçısına Xocalı soyqırımı barədə məlumat verilib
Zaqreb, 24 fevral, AZƏRTAC
Azərbaycanın Xorvatiyadakı səfiri Kamil Xasiyev Xorvatiya Katolik kilsəsinin başçısı kardinal Yosip Bozaniç ilə görüşüb. Görüşdə səfir Azərbaycanda mövcud olan tolerantlıq mühiti, ölkəmizin dünyada dini dözümlülüyün təşviq və mədəniyyətlərarası dialoqun inkişaf etdirilməsində oynadığı vacib rol barədə məlumat verib. Ermənistan-Azərbaycan, Dağlıq Qarabağ münaqişəsi haqqında danışan diplomat kardinal Bozaniçi Xocalı soyqırımı haqqında da məlumatlandırıb.
Görüşdə Azərbaycanda və Xorvatiyada bütün dinlərin nümayəndələri üçün bərabər şəraitin mövcud olduğu, hər iki ölkədə dini dözümlülük və dialoq məsələsinə xüsusi əhəmiyyət verildiyi vurğulanıb.
İqbal Hacıyev
AZƏRTAC-ın xüsusi müxbiri
Zaqreb
Bölmənin digər xəbərləri
