YANAQLAR GÖZLƏRİ XİLAS EDİR
AZƏRTAC-ın xarici informasiya agentliklərindən aldığı xəbərə görə, Osaka Universitetinin (Yaponiya) bir qrup mütəxəssisi nadir göz xəstəliyindən əziyyət çəkən dörd nəfərin yanaqlarından götürülmüş zərif kəsikləri onların gözlərinə köçürməyə müvəffəq olmuşlar. Əvvəllər dünyanı dumanlı görən xəstələr əməliyyatdan sonra ətrafdakı əşyaları dəqiq ayırd edə bilmişlər. Əməliyyatdan sonra bir il keçməsinə baxmayaraq, yeni buynuz qişaları “şəffaflığını” itirməmişdir. Təbiblərin fikrincə, bu iş pasiyentlərin dərilərindəki transplantların digər növlərinin də alınmasına gətirib çıxarır.
Həkimlər sağlam gözün buynuz qişası hüceyrələrini götürərək, xüsusi laboratoriya qablarında yeni buynuz qişaları yetişdirməyi öyrənmişlər. Daha bir kömək vasitəsi isə donor buynuz qişasını köçürməkdir. Lakin bədbəxt hadisə və ya xəstəlik nəticəsində hər iki göz ciddi zədələnibsə, bu üsullar kömək etmir.
Bölmənin digər xəbərləri
