Yanğına qarşı təbliğat xarakterli tədbirlər davam etdirilir
Bakı, 30 yanvar, AZƏRTAC
Fövqəladə Hallar Nazirliyinin (FHN) Dövlət Yanğından Mühafizə Xidməti Heydər Əliyev adına Bakı dərin özüllər zavodunda yanğına qarşı təbliğat xarakterli tədbir keçirib.
FHN-dən AZƏRTAC bildiriblər ki, tədbirdə zavodun əməkdaşlarına ərazinin müvafiq saxlanma xüsusiyyətləri haqqında ətraflı məlumat verilib, yanğın təhlükəsizliyinə dair tələblərdən bəhs edilib. Eyni zamanda, yanğına qarşı su təchizatı ilə bağlı tələblər barədə danışılaraq, yanğın avadanlığına qoşulmuş su şəbəkəsinin lazımi təzyiqi və yanğının söndürülməsi üçün hesablanmış su sərfini təmin etməsinin vacibliyi xüsusi olaraq diqqətə çatdırılıb.
Toplantıda ilkin yanğınsöndürmə vasitələri və onların təsnifatı, tətbiq olunması qaydasından söz açılıb, odsöndürən balonlardan istifadə əyani nümayiş etdirilib.
Bölmənin digər xəbərləri
