Yanvar-mart ayları ərzində Azərbaycanda 30 minə yaxın körpə doğulub
Bakı, 21 may, AZƏRTAC
Bu ilin yanvar-mart ayları ərzində Azərbaycanda 29 min 484 körpə doğulub. Əhalinin hər 1000 nəfərinə bu göstərici 11,9 faiz təşkil edib.
Dövlət Statistika Komitəsindən AZƏRTAC-a verilən məlumata görə, doğulanların 53 faizi oğlan, 47 faizi isə qız uşaqlarıdır. Körpələrdən 708-i əkiz, 21-i isə üçəmdir.
Yanvar-fevral aylarında ölkədə 19 min 14 ölüm halı qeydə alınıb. Əhalinin hər 1000 nəfərinə ölüm səviyyəsi 7,7 təşkil edib.
Bölmənin digər xəbərləri
