YAP SƏBAİL RAYON TƏŞKİLATININ 5-Cİ KONFRANSI KEÇİRİLMİŞDİR

22.09.2004 [22:14]
Çap et
A⁺ A^-

AZƏRTAC-ın müxbiri xəbər verir ki, sentyabrın 22-də Azərbaycan Pedaqoji Universitetində Yeni Azərbaycan Partiyası Səbail rayon təşkilatının 5-ci konfransı keçirilmişdir. Təşkilatın sədri Zahid Qaralov konfransı giriş sözü ilə açaraq, son 3 il ərzində görülmüş işlər haqqında danışdı. O bildirdi ki, hazırda YAP Səbail rayon təşkilatının 17 min nəfər üzvü var və onların 51 faizi qadındır.

Konfransda Nəzarət təftiş komissiyasının, Qadınlar şurasının və Gənclər birliyinin hesabatları dinlənildi.

YAP-ın icraçı katibi Əli Əhmədov konfransda çıxış etdi.

Sonra təşkilati məsələlərə baxıldı. Zahid Qaralov yenidən YAP Səbail rayon təşkilatının sədri seçildi. Konfrans iştirakçıları YAP Səbail rayon təşkilatı şurasının və idarə heyətinin üzvlərini seçdilər.

Konfrans iştirakçıları Azərbaycan Respublikasının Prezidenti, Yeni Azərbaycan Partiyası sədrinin birinci müavini İlham Əliyevə müraciət qəbul etdilər.

YAP SƏBAİL RAYON TƏŞKİLATININ 5-Cİ KONFRANSI KEÇİRİLMİŞDİR

MÜƏLLİFLƏ ƏLAQƏ