Yaponiya ABŞ-dan “Tomahawk” raketləri alınması prosesini sürətləndirir
Bakı, 14 fevral, AZƏRTAC
Yaponiya hökuməti 2023-cü maliyyə ilində ABŞ-dan “Tomahawk” qanadlı raketlərin alınması imkanlarını nəzərdən keçirir.
AZƏRTAC Yaponiya mediasına istinadla xəbər verir ki, Tokionun məqsədi Çin və Şimali Koreya tərəfindən artan təhdidlər şəraitində uzaqmənzilli raketləri tez bir zamanda alaraq ordunun gücünü artırmaqdır.
“Tomahawk” raketləri ABŞ Hərbi Dəniz Qüvvələrində istifadə olunur. Bu raketlər 1600 kilometr radiusda hədəfləri vura bilir. Yaponiya 500 ədəd son model “Tomahawk” raketi almaq istəyir.
Yaponiyanın Baş naziri Fumio Kisida yanvar ayında Birləşmiş Ştatların Prezidenti Cozef Baydenlə görüşündə bu məsələni müzakirə edib.
Bölmənin digər xəbərləri
