Səudiyyə Ərəbistanında hava limanına hücum nəticəsində bir nəfər ölüb, 11 nəfər yaralanıb
Bakı, 12 oktyabr, AZƏRTAC
Səudiyyə Ərəbistanının paytaxtı Ər-Riyadda yerləşən Kral Xalid Beynəlxalq Hava Limanına edilən hücum nəticəsində bir nəfər ölüb, 11 nəfər yaralanıb.
AZƏRTAC xəbər verir ki, Səudiyyə Ərəbistanının Mülki Aviasiya Baş İdarəsinin bazar ertəsi səhər yaydığı məlumata görə, ölən şəxs Pakistan vətəndaşı olan rezidentdir. Hadisə bazar günü günortadan sonra baş verib.
Qurumun açıqlamasında bildirilib ki, hücum nəticəsində maddi ziyan da dəyib. Hazırda zərərin həcmi müəyyənləşdirilir və qiymətləndirmə işləri aparılır.
Bundan başqa, bazar günü axşam saatlarında ölkənin Dammam şəhərində yerləşən Kral Fəhd Beynəlxalq Hava Limanının da hücuma məruz qaldığı açıqlanıb. Səlahiyyətli qurumlar hadisənin nəticələrini və dəymiş ziyanı araşdırır.
Xatırladaq ki, ötən gün Ər-Riyad şəhərindəki Kral Xalid Beynəlxalq Hava Limanına raket hücumu nəticəsində 12 nəfər həlak olub, 309 nəfər yaralanıb.
Bölmənin digər xəbərləri
