YAPONİYA ALİMLƏRİNİN İXTİRASI
Hokkaydo Universiteinin tədqiqatçıları və özəl şirkətlərin alimləri infraqırmızı şüaların köməyi ilə qanın tərkibindəki şəkərin səviyyəsini ölçmək üçün yeni cihaz ixtira etmişlər. Sapporo şəhərindəki xəstəxanaların birində bu cihazın klinika şəraitində sınaqları uğurla aparılır.
Əsas müalicə vasitəsi insulin olan şəkərli diabet xəstələrində qanın tərkibindəki şəkərin miqdarını gündə 2-4 dəfə iynə vurmaqla ölçmək lazım gəlməyəcək, indi həmin aparatı xəstənin əlinə yaxınlaşdırmaq və dəriyə yönəldilmiş şüaların təsiri ilə bir andaca şəkərin səviyyəsini müəyyən etmək mümkün olacaqdır.
İxtiranın müəlliflərindən biri, biospektroskopiya kafedrasının professoru Mamoru Tamura bildirmişdir ki, cihazın iş prinsipi infraqırmızı şüalar xəstənin dərisində əks olunduqdan sonra onların xarakteristikasının kompüter vasitəsilə ölçülməsinə əsaslanır. Qanın tərkibindəki qlükozanın infraqırmızı şüaları udmaq qabiliyyəti isə alimlərə çoxdan məlumdur. malikdir.
İTAR-TASS xəbər verir ki, alimin sözlərinə görə, bu qurğu süni mədəaltı vəzinin yaradılması sahəsində aparılan elmi tədqiqatlar çərçivəsində hazırlanmışdır. Şəkərin səviyyəsini, ölçərkən səhv ehtimalı 15 faizdən artlq deyildir ki, bu da beynəlxalq tibbi standartlara tam uyğundur.
Bölmənin digər xəbərləri
