Yaponiyada yaşayan əcnəbilər arasında sorğu aparılacaq
Tokio, 20 fevral, AZƏRTAC
Yaponiya hökuməti aprel ayından etibarən əcnəbi işçilərin ölkəyə çox sayda qəbulu ilə əlaqədar hazırlıq işləri çərçivəsində hazırda bu ölkədə yaşayan əcnəbilər arasında sorğu aparmağı planlaşdırır.
AZƏRTAC Yaponiya Ədliyyə Nazirliyinə istinadla xəbər verir ki, tədqiqatın məqsədi əcnəbilərlə əlaqədar vəziyyəti araşdırmaqdır. Qeyd edilir ki, tədqiqat zamanı Yaponiyada yaşayan əcnəbilərə sorğular əks olunan anket göndəriləcək. Bu suallar arasında onların gündəlik həyatlarında qarşılaşdıqları çətinliklər, xoşagəlməz hallar xüsusi yer tutacaq. Anketdə, həmçinin əcnəbilərin Yaponiyada olduqları müddətdə diskriminasiya halları ilə qarşılaşmaları barədə sual veriləcək.
Nazirlik sorğunun nəticələri əsasında əcnəbiləri dəstəkləyəcək tədbirlərin hazırlanmasını nəzərdə tutur.
Vüqar Ağayev
AZƏRTAC-ın xüsusi müxbiri
Tokio
Bölmənin digər xəbərləri
