YAPONLAR SÜNİ AĞ CİYƏR YARATMIŞLAR
Yaponiya alimləri əsl ağ ciyəri müvəqqəti əvəz edə bilən süni ağ ciyər yaratdıqlarını elan etmişlər. Okayama Universitetinin həkimləri tərəfindən hazırlanmış plastik cihaz formasına və ölçülərinə görə siqaret qutusu ilə müqayisə oluna bilər - onun uzunluğu 10, eni 5, qalınlığı isə 3 santimetrdir.
Süni ağ ciyərin içərisi qan dövranı üçün nəzərdə tutulmuş minlərlə məsaməli liflərlə doldurulmuşdur. Oksigenın daxil olması əlavə vasitələrin köməyi ilə təmin olunur.
İTAR-TASS-ın verdiyi xəbərə görə, tədqiqatçılar bu il öz ixtiralarını donuzlar üzərində sınaqdan çıxaracaqlar, sonra isə onu transplantasiyaya ehtiyacı olan xəstələrə donor orqanlarını gözlədikləri müddətdə köçürmək fikrindədirlər.
Bölmənin digər xəbərləri
