Yaşa dilim – Ana dilim...
Bakı, 20 fevral, AZƏRTAC
Bakı Şəhər Mədəniyyət Baş İdarəsinin təşkilatçılığı ilə Xətai rayon Mərkəzi Kitabxana Sisteminin mərkəzi kitabxanası 21 fevral - Beynəlxalq Ana Dili Günü ilə əlaqədar “Yaşa dilim - Ana dilim” başlığı altında tədbir təşkil edib.
Baş İdarədən AZƏRTAC-a bildirilib ki, tədbirdə ulu öndər Heydər Əliyevin Azərbaycan dili haqqında söylədiyi fikirlərdən ibarət videoçarx nümayiş olunub.
BDU-nun müəlliməsi Şəhla Yəhyazadə Azərbaycan dili ahəngi, rəvanlığı, səlisliyi, axıcılığı və musiqililiyi ilə dünya dilləri içərisində özünəməxsus yer tutduğunu qeyd edib.
Tədbirdə 1 saylı Uşaq-Gənclər İnkişaf Mərkəzi Xalq folkloru dərnəyinin rəhbəri Güllü Nuriyeva və 260 nömrəli tam orta məktəbin şagirdləri ana dilimiz haqqında fikirlər söyləyib, şeirlər səsləndiriblər.
Bölmənin digər xəbərləri
