YASİR ƏRƏFATIN BƏYANATI
Fələstin Milli Muxtariyyətinin (FMM) rəhbəri Yasir Ərəfat bəyan etmişdir ki, ABŞ hökuməti başa düşməlidir ki, Fələstindəki vəziyyət Əfqanıstandakı vəziyyətdən fərqlənir. Ərəfat Rəmmallahdakı iqamətgahında jurnalistlərlə söhbətində bildirmişdir ki, “öz vəzifəsindən istefa vermək niyyətində deyildir, çünki belə bir addım atmaq Fələstin xalqına xəyanət etmək deməkdir”. O demişdir: “Mən xalq tərəfindən seçilmişəm. Mən qorxaq deyiləm, məni seçən adamlara xəyanət etmərəm”.
Bununla belə, FMM-in başçısı eyhamla bildirmişdir ki, yanvar ayına nəzərdə tutulmuş Fələstin prezidenti seçkilərində iştirak edib -etməyəcəyi barədə qərar qəbul etməmişdir. O demişdir ki, bunu bizim ali rəhbərlik həll etməlidir.
İTAR-TASS-ın verdiyi xəbərə görə, ABŞ-ın dövlət katibi Kolin Pauell Qətərin “Əl-Cəzirə” telekanalına verdiyi müsahibədə bildirmişdir ki, Amerika hökuməti Ərəfatla işbirliyi istəmir və alternativ liderlərin meydana çıxmasını gözləyir. ABŞ xarici siyasət idarəsinin başçısı bunu da əlavə etmişdir ki, Yasir Ərəfatdan “maraqlı” bir məktub almışdır. Məktubda Fələstin Muxtariyyətində islahatlar keçirilməsinin təfərrüfatı açıqlanır. Pauell bu məktubun təfərrüatı barədə məlumat verməkdən imtina etmişdir. Fələstin rəhbərləri isə bu informasiyanı hələlik heç cür şərh etməmişlər.
Bölmənin digər xəbərləri
