YENİ MƏKTƏB BİNALARI İSTİFADƏYƏ VERİLMİŞDİR
Ağcabədi rayonundakı Sarıcalı, Salmanbəyli, Qaravəlli, Cəfərbəyli kəndlərində hər biri 220 yerlik yeni məktəb binaları tikilib istifadəyə verilmişdir. Təzəkənd, Hacılar, Muğanlı kənd orta məktəbləri isə əsaslı təmir edilmiş, müasir avadanlıqla təchiz olunmuşdur. Rayon təhsil şöbəsindən müxbirimizə bildirmişlər ki, respublika Prezidentinin “Azərbaycan Respublikasında yeni ümumtəhsil məktəblərinin tikintisi, mövcud məktəblərin əsaslı təmiri və müasir tədris avadanlıqları ilə təmin olunmasına dair proqramın (2003-2007-ci illər) təsdiq edilməsi haqqında” Sərəncamına əsasən qarşıdakı beş ildə rayonda 5 yeni məktəb binası inşa olunacaqdır. İki məktəbdə əlavə sinif otaqları tikiləcək, beş məktəbdə əsaslı təmir işləri aparılacaqdır.
Bölmənin digər xəbərləri
