YENİ POÇT BİNASI İSTİFADƏYƏ VERİLDİ

18.10.2003 [23:18]
Çap et
A⁺ A^-

Oktyabrin 18-də Qax rayonunda inqiloyların yaşadığı inqiloy - Kötüklü kəndində yeni poçt binasının açılış mərasimi olmuşdur. Mərasimdə çıxış edən qonaqlar, kənd sakinləri yeni rabitə obyektinin əlamətdar gündə - Müstəqillik günündə istifadəyə verilməsini çox yüksək qiymətləndirmiş, rayonda yaşayan azsaylı xalqların sosial qayğılarının, problemlərinin həllinə yönəldilmiş bu məqsədyönlü tədbirlərə görə əlaqədar nazirliklərə, rayon rəhbərliyinə öz minnətdarlıqlarını bildirmişlər.

Rayon poçtamtının daxili imkanları hesabına inşa edilmiş bu yeni obyektin tikintisinə 4 milyon 500 min manat vəsait xərclənmişdir. Poçtamtdan AZƏRTAC-ın müxbirinə bildirmişlər ki, cari ilin ötən dövrü ərzində rayonun daha 3 yaşayış məntəqəsində - İlisu, Əmircan və Alatəmiz kəndlərində də yeni poçt binaları istifadəyə verilmişdir.

X x x

Milli Müstəqillik günündə Qax şəhərinin mərkəzi küçələrindən olan Azadlıq küçəsində daha bir obyektin - “Humay bulağı” abidə-kompleksinin açılış mərasimi olmuşdur. Azərbaycan Respublikası Beynəlxalq Bankının maliyyə köməkliyi ilə tikilmiş bu abidə-kompleksin müəllifi heykəltaraş Soltan Hacıyevdir.

YENİ POÇT BİNASI İSTİFADƏYƏ VERİLDİ

MÜƏLLİFLƏ ƏLAQƏ

Bölmənin digər xəbərləri