YENİ QUYU QAZILIR
Azərbaycan Respublikası Dövlət Neft Şirkətindən (ARDNŞ) AZƏRTAC-a bildirmişlər ki, “Abşeron” Qazma İşləri İdarəsinin kollektivi illik qazma tapşırıqlarına iki ay bundan əvvəl əməl edərək, nəzərdə tutulan 21300 metr əvəzinə 21310 metr qazma işləri yerinə yetirmişdir. Bu ilin 10 ayının nəticələrinə əsasən, kollektiv artıq 31291 metr qazma işləri həyata keçirmişdir. Bu günlərdə “Abşeron” Qİİ “Balaxanıneft” NQÇİ-nin 8-ci mədənində qısa müddətdə 1350 metr dərinliyi olan 3979 saylı qaz quyusunda qazma işlərini başa çatdırmışdır. Hazırda quyudan sutkada 60 min kubmetr qaz hasil olunur.
Yaxın günlərdə idarənin kollektivi “Türkan” sahəsində 1601 saylı kəşfiyyat quyusunda qazma işlərinə başlayacaqdır. Layihə dərinliyi 4 min metr olan həmin quyuda qazma işlərinə hazırlıq görülür.
Bölmənin digər xəbərləri
