YENİ SU VƏ KANALİZASİYA XƏTLƏRİ ÇƏKİLMİŞDİR
Bu barədə AZƏRTAC-a “Azərsu” Səhmdar Cəmiyyətinin sədri Nizaməddin Rzayev məlumat vermişdir. Onun sözlərinə görə, keçən müddətdə 7,6 milyon manatlıq, o cümlədən dövlət büdcəsi hesabına 2,5 milyon manatlıq təmir-bərpa işləri yerinə yetirilmişdir. 149,2 kilometr su, 14,4 kilometr kanalizasiya xətləri, 592 elektrik mühərriki və 502 su nasosu əsaslı təmir olunmuş, 114 elektrik mühərriki və 70 su nasosu yenisi ilə əvəz olunmuşdur. 19 kilometr elektrik kabeli dəyişdirilmiş, 536 subartezian quyusu təmir olunmuş və 9 subartezian quyusunun nasosları yeniləri ilə əvəzlənmişdir.
