YEVLAXIN QAZ TƏMİNATI YAXŞILAŞIR
Yevlax Rayon İcra Hakimiyyətindən AZƏRTAC-a bildirmişlər ki, 2008-ci ilin birinci yarısında şəhərdə 5,5 kilometr, kəndlərdə isə 11,9 kilometr uzunluğunda qaz xətləri çəkilmişdir.
Sənaye müəssisələrinə 7,3 kilometr uzunluğunda qaz xətti çəkilmiş, “Gilan” dəri emalı zavoduna təbii qaz verilmişdir. Magistral qaz xətti üzərində tikilmiş paylayıcı stansiyadan Kövər kəndinə təbii qaz verilmiş, daha 9 kəndə mavi yanacağın verilməsi nəzərdə tutulmuşdur.
Aran qəsəbəsinə və Yaldili kəndinə təbii qazın verilməsi təmin olunmuş, Nərimanabad və Nemətabad kəndlərinin qaz xətlərində təmir işləri başa çatmaq üzrədir.
Bölmənin digər xəbərləri
