Yunanıstan hökuməti 10 min miqrantı Türkiyəyə göndərmək niyyətindədir
Afina, 28 yanvar, AZƏRTAC
Yunanıstan hökuməti 2020-ci ildə 10 min miqrantı Türkiyəyə geri göndərməyi planlaşdırır.
Bu barədə Yunanıstan hökumətinin təmsilçisi Stelios Petsas Şimali Egey adalarının icra hakimiyyətlərinin rəhbərləri ilə görüşündən sonra “Real FM” radiosuna açıqlamasında deyib.
O qeyd edib ki, miqrantların adalardan Yunanıstanın materik hissəsinə köçürülmələrinə baxmayaraq, problem hələ də tam həllini tapmayıb və yerlərdə etirazlarla qarşılanır. Sığınacaq statusuna və beynəlxalq müdafiəyə uyğun olmayan miqrantlar tezliklə geri göndəriləcəklər. Amma bunun üçün hökumətə vaxt lazımdır.
İqbal Hacıyev
AZƏRTAC-ın xüsusi müxbiri
Afina
Bölmənin digər xəbərləri
