ZAQATALA GƏNCLƏRİ ULU ÖNDƏRİN ƏZİZXATİRƏSİNİ UCA TUTURLAR
AZƏRTAC-ın müxbiri xəbər verir ki, toplantının əvvəlində ulu öndərin əziz xatirəsi bir dəqiqəlik sükutla yad edilmişdir.
Toplantıda “Heydər Əliyev və Azərbaycan gəncliyi” mövzusunda məruzə ilə çıxış edən gənclər və idman idarəsinin rəisi Araz Əliyev ümummilli liderimizin nəsillərə nümunə olan zəngin həyat yolu və çoxsahəli fəaliyyətinin ən önəmli məqamlarına toxunmuş, onun Azərbaycan gəncliyinə göstərdiyi yüksək diqqət və qayğıdan danışmış, dahi şəxsiyyətin dövlətçiliyimizin qorunması və möhkəmlənməsinə, respublikamızın iqtisadi tərəqqisinə və beynəlxalq imicinin yüksəlməsinə gətirib çıxarmış siyasi xəttinin bu gün Prezident İlham Əliyev tərəfindən uğurla davam etdirildiyini vurğulamışdır.
Toplantıda çıxış edənlər dövlət gənclər siyasətinin həyata keçirilməsini təmin etmək məqsədi ilə respublikamızda Gənclər və İdman Nazirliyinin yaradılmasını, Gənclər Siyasəti haqqında Azərbaycan Respublikası Qanununun qəbul edilməsini, 1996-cı ilin fevralında Bakıda Gənclərin I Forumunun keçirilməsini Heydər Əliyevin Azərbaycan gəncliyinə diqqət və qayğısının bariz nümunəsi kimi vurğulamışlar.
Tədbirin sonunda məktəblilərin ifasında ulu öndərin ömür yolundan bəhs edən ədəbi-bədii kompozisiya nümayiş etdirilmişdir.
Bölmənin digər xəbərləri
