ZAQATALADA TÜTÜNÇÜLÜYƏ MARAQ ARTIR

21.09.2004 [11:15]
Çap et
A⁺ A^-

Bu il Zaqatala rayonunda tütün istehsalını ötən illə müqayisədə 784 ton artıraraq, 3 min tona çatdırmaq nəzərdə tutulmuşdur. Fermerlər indiyədək təqribən 2 min 200 ton quru tütün istehsal etmişlər ki, bu da keçən ilin müvafiq dövründəkinə nisbətən iki dəfə çoxdur. Bundan əlavə, tutunçülüklə məşğul olan fermerlərin işini asanlaşdırmaq məqsədi ilə rayonun Aşağı Tala kəndində 5 ədəd “Pauel” tipli qurutmaxana işə salınmışdır. Hazırda həmin obyektlərdə 30 nəfər mövsümi işlə təmin olunmuşdur.

Rayon icra hakimiyyətinin aqrar məsələlər şöbəsindən AZƏRTAC- ın müxbirinə bildirmişlər ki, bu il Zaqatalada tütün sahələri 220 hektar genişləndirilərək, 1186 hektara çatdırılmışdır. Əkin sahələrinin 120 hektarına “Berley”, “Virciniya”, “Dubek” və başqa ətirli tütün sortları əkilmişdir. İlkin nəticələr “Berley” sortunun digərlərinə nisbətən daha məhsuldar olduğunu və yerli şəraitə tez uyğunlaşdığını göstərir. Belə ətirli tütün sahələrinin gələcəkdə daha da genişləndirilməsi nəzərdə tutulmuşdur.

ZAQATALADA TÜTÜNÇÜLÜYƏ MARAQ ARTIR

MÜƏLLİFLƏ ƏLAQƏ

Bölmənin digər xəbərləri