ZAVODUN YUBİLEYİ KEÇİRİLMİŞDİR
Müəssisənin baş direktoru Vladimir Benzelyuk AZƏRTAC-ın müxbirinə bildirmişdir ki, “Azneftyağ” zavodunun aşqar istehsalı sexinin bazasında 1966-cı ildə yaradılmış zavodda hazırda monoalkilfenol, formalin, metiletilketon, habelə 12-dən çox adda lak və boya məhsulları istehsal edilir. Xammal həm daxili bazardan, həm də Rusiyadan alınır.
Müəssisənin aylıq istehsal gücü 10 min tondur. Yüksək keyfiyyətli məhsullar MDB ölkələrinə, habelə Finlandiyaya, Almaniyaya, Türkiyəyə və başqa dövlətlərə göndərilir.
V.Benzelyuk demişdir ki, müəssisədə sosial problemlər uğurla həll olunur. 245 qulluqçu və fəhlə pulsuz nahar və nəqliyyatla təmin edilir. Zavodda orta aylıq əmək haqqı 800 min manatdır.
Zavodun yubileyinə həsr olunmuş tədbirdə Sumqayıt İcra Hakimiyyətinin rəhbərliyi, şəhər bələdiyyəsi, habelə “Titan” şirkətlər qrupunun (Rusiya) adından təbriklər oxunmuşdur.
Bölmənin digər xəbərləri
