Zelenski: Ukrayna Rusiya ilə ABŞ arasında danışıqların nəticələrini tanımır
Bakı, 18 fevral, AZƏRTAC
Ukrayna Rusiya və ABŞ nümayəndələri arasında Səudiyyə Ərəbistanında aparılan danışıqlarda iştirak etmir və nəticələri də tanımaq niyyətində deyil.
AZƏRTAC xəbər verir ki, Volodimir Zelenski bu barədə Birləşmiş Ərəb Əmirliklərində keçirilən mətbuat konfransında deyib.
“Ukrayna danışıqlarda iştirak etmir və bu barədə heç bir məlumatı yoxdur. Kiyev iştirak etmədiyi hər hansı razılaşmanı tanımır”, - deyə Zelenski bildirib. O, həmçinin Səudiyyə Ərəbistanına yaxın günlərdə baş tutacaq səfərinin ABŞ-Rusiya görüşü ilə bağlı olmadığını vurğulayıb.
Qeyd edək ki, Rusiya və ABŞ nümayəndələri arasında görüş bu gün baş tutacaq.
Bölmənin digər xəbərləri
