Zərdabda mal-qaranın və davarların yem bazası ilə təminatı diqqət mərkəzindədir
Zərdab, 19 avqust, AZƏRTAC
Zərdab rayonunda mal-qaranın və davarların qış aylarında möhkəm yem bazası ilə təminatı fermerlərin və fiziki şəxslərin ən böyük qayğılarındandır.
Rayon icra hakimiyyətindən AZƏRTAC-ın bölgə müxbirinə verilən məlumatda bildirilir ki, indiyədək təkcə 17 min 440 hektar yonca sahəsindən 71 min 287 ton qaba yem tədarük olunub. Heyvandarlar, habelə kifayət qədər ot, küləş tədarük edib, arpa ehtiyatı yaradıblar.
Qeyd edək ki, heyvandarlıq rayonda aqrar sektorun aparıcı sahələrindəndir. Ötən altı ayda mal-qaranın sayı 54 min 848 başa, qoyun-keçilərin sayı isə 114 min 989 başa çatıb. Keçən ilin müvafiq dövrü ilə müqayisədə iribuynuzlu heyvanların sayı 66 baş, davarların sayı isə 96 baş artıb.
Bölmənin digər xəbərləri
