“ZİYARƏT” FİLMİNİN ÇƏKİLİŞLƏRİNƏ BAŞLANMIŞDIR
AZƏRTAC xəbər verir ki, Mədəniyyət və Turizm Nazirliyinin sifarişi ilə Cəfər Cabbarlı adına “Azərbaycanfilm” Kinostudiyasında “Ziyarət” filminin çəkilişlərinə start verilmişdir. Yeni ekran əsərinin çəkilişləri Bakı və Səudiyyə Ərəbistanında aparılacaqdır.
Filmdə insanların doğru və haqq yolunu tapmasından bəhs edilir. İki əks xasiyyətli insanın həyat tərzindən söz açılan filmdə göstərilir ki, onlardan biri dindar, digəri isə yüngül həyat tərzi sürən, əyləncəni sevən bir insandır. Müxtəlif dünya görüşlərinə malik bu iki gənc filmin sonunda eyni amal uğrunda birləşirlər. Filmin ideyası da elə budur: həqiqət birdir.
Filmin çəkiliş eskizləri artıq hazırdır. Tragikomediya janrında lentə alınan filmin bədii rəhbəri Rüstəm İbrahimbəyov, ssenari müəllifi Yavər Rzayev, rejissoru isə Samir Kərimovdur.
Filmin çəkilişləri gələn il başa çatacaqdır.
Bölmənin digər xəbərləri
