ZOOBAYTAR MÜTƏXƏSSİSLƏR MÜSABİQƏ YOLU İLƏ SEÇİLMİŞLƏR
Kənd Təsərrüfatı Nazirliyi yanında Kənd Kreditləri üzrə Dövlət Agentliyi “Şimal-Şərq” inkişaf layihəsi”nin əhatə etdiyi Abşeron, Xızı, Siyəzən və Dəvəçi rayonlarında zoobaytar xidməti həyata keçirmək məqsədi ilə Mehdiabad qəsəbəsində həmin regionun mütəxəssisləri üçün təlim keçirmişdir.
Tədbirdə süni mayalama və baytarlıq sahəsində mütərəqqi texnologiyaların tətbiqi, baytarlıq xidmətinin müasir tələblər səviyyəsində təşkili barədə mühazirələr oxunmuş, mütəxəssislər qabaqcıl təcrübə ilə tanış olmuşlar.
“Dağlıq Ərazilərdəki Heyvandarların Assosiasiyası” İctimai Birliyinin sədri İsfəndiyar Mehdiyev zoobaytar mütəxəssislərə heyvandarlığın inkişafında süni mayalamanın əhəmiyyəti barədə ətraflı məlumat vermişdir.
Təlim müddətində müsabiqə yolu ilə seçilmiş təcrübəli və bacarıqlı mütəxəssislər “Şimal-Şərq inkişaf lahiyəsi”nə daxil edilmiş rayonlarda süni mayalama və baytarlıq xidmətini həyata keçirirlər.
Bölmənin digər xəbərləri
