İtaliyada Dünya Azərbaycanlılarının Həmrəylik Günü münasibətilə təbrik kampaniyası təşkil edilib VİDEO

01.01.2019 [09:11]
Çap et
A⁺ A^-

Roma, 1 yanvar, AZƏRTAC

Azərbaycanın İtaliyadakı səfirliyi Dünya Azərbaycanlılarının Həmrəylik Günü münasibətilə bu ölkədə təhsil alan tələbələrimiz arasında təbrik kampaniyası təşkil edib.

AZƏRTAC xəbər verir ki, dekabrın 26-dan başlayaraq səfirliyin sosial şəbəkələrində İtaliyanın Roma, Piza, Padova, Turin, Maçerata, Parma, Milan, Kamerino və Venesiya şəhərlərində təhsil alan tələbələrin “#İtaliyadanTəbrikim” həştəqi altında təbrik videoçarxları yayımlanıb.

Azərbaycanlı tələbələr və səfirliyin sosial kanallarının izləyiciləri arasında böyük marağa səbəb olan bu kampaniya dekabrın 31-də Romadan təbrik videoçarxı ilə yekunlaşıb.

Asiman Əsədov

AZƏRTAC-ın xüsusi müxbiri

Roma