133 HEKTARDA YENİ ÜZÜM PLANTASİYALARI SALINMIŞDIR
Cari ilin payız-qış mövsümündə Şamaxı rayonunda 133 hektarda yeni üzüm bağları salınmışdır. Rayon icra hakimiyyətinin aqrar şöbəsindən AZƏRTAC-a bildirmişlər ki, artıq son illər rayonda yeni salınmış üzümlüklərin sahəsi 236 hektara çatmışdır. Yeni üzümlüklər əsasən Çarhan kəndinin və Şəhriyar qəsəbəsinin ərazilərində əkilmişdir. Hazırda üzüm plantasiyalarında yaz becərməsinə başlanmışdır.
Şamaxı üzümçülük sahəsində zəngin ənənəsi olan bölgədir. Buna görə də son illər rayonun torpaq mülkiyyətçilərinin bu sahəyə marağı xeyli artmişdır. Hazırda ərazilərdə xəstəliyə davamlı, əsasən də texniki sortlar yetişdirilir.
Bölmənin digər xəbərləri
