2005-Cİ İLDƏ AZƏRBAYCANDA QANUNSUZ OLARAQ 38,9 MİN KUBMETR AĞAC KƏSİLMİŞDİR
2005-ci ildə Azərbaycanda qanunsuz olaraq 309 min 272 manatlıq (AZN) 38,9 min kubmetr ağac kəsilmişdir ki, bu da ötən illə müqayisədə 27 faiz çoxdur. Ekologiya və Təbii Sərvətlər Nazirliyindən AZƏRTAC-ın müxbirinə bildirmişlər ki, Dövlət Meşə Fonduna vurulan ziyanın 36,3 faizi günahkarlar tərəfindən ödənilmişdir. Təbiəti mühafizə qanunvericiliyinin pozulması ilə əlaqədar 762 iş qaldırılaraq, hüquq mühafizə orqanlarına göndərilmişdir ki, bu da ötənilki göstəricilərdən 21 faiz çoxdur. Meşələrin mühafizəsi işindəki nöqsanlara görə nazirliyin 300 əməkdaşı inzibati cəza almış, 60-dan çox məsul şəxs vəzifəsindən azad edilmişdir.
Mətbuat xidmətindən onu da bildirmişlər ki, meşə yanğınlarının qarşısının alınması üçün görülən tədbirlər sayəsində ötən il cəmi 21 hektar sahədə yanğın olmuşdur. Müqayisə üçün deyək ki, 2000-ci ildə bu göstərici 1500 hektar təşkil etmişdi.
Bölmənin digər xəbərləri
