2006-Cİ İLDƏ TÜRKİYƏ ƏHALİSİNİN SAYI 73 MİLYONDAN ÇOX OLACAQDIR
Hesablamalara görə, bu ilin ortalarında əhalinin sayı 72 milyon 974 min, ölkənin ən iri şəhəri olan İstanbulun əhalisi isə 11 milyon 600 min nəfərə çatacaqdır. Ötən ilin müvafiq dövrü ilə müqayisədə Türkiyə əhalisi 909 min nəfər artacaqdır.
2006-cı ilin ortalarında Türkiyədə əhalisi 1 milyondan çox olan şəhərlərin sırasına Van da daxil olacaq və beləliklə “milyonçu” şəhərlərin sayı 20-yə çatacaqdır. Uzun illərdir demoqrafik böhranla üzləşmiş və əhalisinin sayı durmadan azalan Kilisdə isə bu rəqəmin 100 mindən az olacağı güman edilir.
Paytaxt Ankaranın əhalisinin 4 milyon 386 min nəfərə, İzmir sakinlərinn sayının isə 3 milyon 709 minə çatacağı gözlənilir.
Statistika İdarəsinin proqnozlarına görə, bu gedişlə 2010-cu ildə Türkiyənin əhalisi 76 milyon 500 min nəfərə çatacaqdır.
Bölmənin digər xəbərləri
