21 YAŞLILARIN İLK TƏSNİFAT OYUNU UĞURSUZ OLDU

11.05.2006 [23:04]
Çap et
A⁺ A^-

AZƏRTAC xəbər verir ki, mayın 11-də “Şəfa” stadionunda Avropa futbol çempionatının seçmə qrup oyunlarına vəsiqə qazanmaq uğrunda Azərbaycanın 21 yaşlılardan ibarət yığma komandası ilə İrlandiya kollektivi arasında ilk təsnifat görüşü keçirilmişdir.

Makedoniyalı baş hakim Goran Spirkoskinin idarə etdiyi oyun gərgin idman mübarizəsi şəraitində keçmişdir. Qarşılaşmanın 22-ci dəqiqəsində Murad Ağakişiyev rəqib komandanın qapısından ilk topu keçirmişdir. Oyunun 59-cu dəqiqəsində isə irlandiyalı Enrik Kiyuf hesabı bərabərləşdirmişdir. Bundan sonra futbolçularımız iki dəfə real imkandan istifadə edə bilməmişlər.

Oyunun 90-cı dəqiqəsində müdafiəçilərimizin səhvindən istifadə edən Enrik Kiyuf komandasının qələbə topunu vurmuşdur (2:1).

Cavab oyunu mayın 18-də İrlandiya paytaxtında olacaqdır. İki oyunun ümumu nəticəsinə görə, qalib komanda çempionatın qrup oyunlarında iştirak etmək hüququ qazanacaqdır.

21 YAŞLILARIN İLK TƏSNİFAT OYUNU UĞURSUZ OLDU

MÜƏLLİFLƏ ƏLAQƏ

Bölmənin digər xəbərləri