60-DAN ÇOX ÖLKƏ İRANA HUMANİTAR YARDIM GÖSTƏRMƏYƏ HAZIR OLDUĞUNU BİLDİRMİŞDİR
AZƏRTAC-ın Tehrandan aldığı xəbərə görə, 60-dan çox ölkə təbii fəlakətin nəticələrinin aradan qaldırılmasında İrana humanitar yardım göstərməyə hazır olduğunu bildirmişdir. Bunu İranın Şiri-Xurşid Cəmiyyətinin sədri Nur Bala açıqlamışdır. O qeyd etmişdir ki, dünyanın bir çox ölkələrindən fasiləsiz olaraq humanitar yardım gəlir.
N.Bala demişdir ki, Bəm şəhərində hər hansı xəstəlik epidemiyası müşahidə edilmir, lakin belə bir təhlükə hələ də qalmaqdadır. Şiri-Xurşid Cəmiyyəti və Silahlı Qüvvələrin tibb bölmələri vəziyyətə nəzarət edirlər.
Bəmdə su kəməri qismən bərpa edilmiş, bir sıra rayonlar elektrik enerjisi ilə təmin olunmuşdur.
Bölmənin digər xəbərləri
