Bakıdan Nyu-Yorka birbaşa aviareyslər açılacaqdır VİDEO
Bakı, 16 may (AZƏRTAC). Bakıdan Nyu-Yorka birbaşa aviareyslər açılacaqdır.
AZƏRTAC xəbər verir ki, bunu “Azərbaycan Hava Yolları” Qapalı Səhmdar Cəmiyyətinin prezidenti Cahangir Əsgərov “The Business Year” jurnalına müsahibəsində demişdir.
C.Əsgərovun sözlərinə görə, ABŞ-a mütəmadi reyslər cari ilin yay mövsümünün sonunda açılacaqdır. Artıq bunun üçün ABŞ-ın Federal Mülki Aviasiya İdarəsinin icazəsi alınmışdır. İdarənin ekspertləri Azərbaycan aviasiyasının uçuşlarının beynəlxalq təhlükəsizlik standartlarına uyğun olduğunu təsdiqləmişlər.
“AZAL”ın prezidenti bu reysin Cənubi Qafqazdan ABŞ-a ilk reys olacağını və “Azərbaycan Hava Yolları” Qapalı Səhmdar Cəmiyyətinin mülki aviasiya sahəsində regional lider statusunu daha da möhkəmləndirəcəyini bildirmişdir.
Bölmənin digər xəbərləri
