İDMAN

Azərbaycanın qadın boksçusu Anna Əlimərdanova bürünc medal qazanıb [YENİLƏNİB] VİDEO

26.06.2015 [20:35]
Çap et
A⁺ A^-

Günün sonuncu qarşılaşmasında 91 kiloqramdan yuxarı çəki dərəcəsində qalib müəyyən olunub. Böyük Britaniya idmançısı Coy Coys rusiyalı Qasan Qimbatova qalib gələrək birinci Avropa Oyunlarının qızıl medalını qazanıb.

Bu çəki dərəcəsində bürünc medalların sahibləri Avropa və ikiqat dünya çempionu, Olimpiya Oyunlarının bürünc mükafatçısı Məhəmmədrəsul Məcidov və fransalı idmançı Toni Yoka olublar.

Xatırladaq ki, Məhəmmədrəsul Məcidov zədə səbəbindən yarımfinal görüşünə çıxmayıb.

18:45

Qadınların mübarizəsində 60-64 kiloqramda birinci Avropa Oyunlarının çempionu adını finalda italiyalı Valentina Albertini məğlub edən rusiyalı Anastasiya Belyakov olub.

Böyük Britaniya idmançısı Sandi Rayan və polşalı Aneta Rigelska bürünc medallara sahib çıxıblar.

18:22

Bu gün qadınların mübarizəsində 51-54 kiloqram çəki dərəcəsində fəxri kürsüyə yüksələnlərin adına aydınlıq gəlib. Final qarşılaşmasında Rusiya idmançısı Yelena Saveleva italiyalı Marzia Davideni 3:0 hesabı ilə məğlub edərək qızıl medal qazanıb.

Bu çəki dərəcəsində bürünc medallar Azərbaycan boksçusu Anna Əlimərdanova və almaniyalı Azize Nimaniyə nəsib olub.

18:06

Axşam seansı 51-54 kiloqram çəki dərəcəsində qadın boksçuların final görüşü ilə başlayıb. Bundan başqa, qadınların yarışında 60-64 kiloqramda da birinci Avropa Oyunlarının çempionu məlum olacaq.

Daha sonra rinqə Azərbaycan boksçuları çıxacaqlar.

Avropa çempionatının mükafatçısı Elvin Məmişzadə (52 kq) qızıl medal qazanmaq üçün italiyalı Vinçenzo Pikardini məğlub etməyə çalışacaq.

İkiqat Azərbaycan çempionu Kollazo Sotomayorun (64kq) da finalda rəqibi İtaliya boksçusu olacaq. O, Vinçenzo Manyakapre ilə qızıl medalın taleyinə aydınlıq gətirəcək.

Günün son finalında isə rusiyalı Qasan Qimbatov (91+ kq) və britaniyalı Coy Coys qarşılaşacaq.

16:32

İyunun 26-da “Baku Crystal Hall”da keçirilən boks yarışlarının on birinci gününün ilk yarısında yarımfinal görüşləri başa çatıb.

Bu gün rinqə 57-60 kiloqram çəki dərəcəsində qadın, 60, 69, 75 və 91 kiloqramlarda isə kişi boksçular çıxıblar.

Rinqə əvvəlcə Azərbaycanın qadın boksçusu Yana Alekseyevna (57-60 kq) çıxıb. O, finala gedən yolda “Bakı-2015”-in beynəlxalq idman elçisi, Olimpiya çempionu, dünya və Avropa çempionatlarının dəfələrlə qalibi irlandiyalı Keti Teylor ilə gərgin keçən görüşdə 1:2 hesabı ilə məğlub olaraq bürünc medalla kifayətlənib.

Kişilərin mübarizəsində Albert Səlimov (60 kq) yarımfinalda İrlandiya idmançısı Sin Makkombu mübarizədən kənarlaşdıraraq finala çıxıb. Görüş 3:0 hesabı ilə təmsilçimizin xeyrinə yekunlaşıb.

O, finalda fransalı Sofian Umia və polşalı Mateuş Polski görüşünün qalibi ilə qarşılaşacaq.

Gənclər arasında Avropa çempionu Pərviz Bağırov (69 kq) Böyük Britaniya idmançısı Yoş Kelliyə qalib gələrək finala adlayıb. Onun finaldakı rəqibi rusiyalı Aleksandr Besputin olacaq.

Boksçularımızın qələbə seriyasını 75 kiloqram çəki dərəcəsində çıxış edən Xaybulla Musalov davam etdirib. Boksçumuzun zərbələri qarşısında bu dəfə Avropa çempionatının mükafatçısı macarıstanlı Zoltan Harcsa aciz qalıb. 2:1 hesablı qələbə idmançımızın finala gedən yolunu açıb. Bu mərhələdə o, gənclər arasında Avropa çempionatının gümüş medalçısı irlandiyalı Maykl Oreylli ilə üz-üzə gələcək.

Yarışda 91 kiloqramda çıxış edən Abdulqadir Abdullayev Rusiya təmsilçisi Sadam Maqomedovu mübarizədən kənarlaşdıraraq (3:0) final görüşünə vəsiqə qazanıb. Qızıl medal uğrunda döyüşdə idmançımız ukraynalı Gevorq Manukyan və xorvatiyalı Yosip Bepo Filipi qarşılaşmasının qalibi ilə görüşəcək.

Beləliklə, günün ilk yarısında beş çəki dərəcəsində finalçılar müəyyənləşib.

15:02

91 kiloqramda çıxış edən Abdulqadir Abdullayev Rusiya təmsilçisi Sadam Maqomedovu mübarizədən kənarlaşdıraraq (3:0) final görüşünə vəsiqə qazanıb. Qızıl medal uğrunda döyüşdə idmançımız ukraynalı Gevorq Manukiyan və xorvatiyalı Yosip Bepo Filipi qarşılaşmasının qalibi ilə görüşəcək.

14:55

Boksçularımızın qələbə seriyası davam edir. “Baku Crystal Hall”da keçirilən yarışda bu seriyanı 75 kiloqram çəki dərəcəsində çıxış edən Xaybulla Musalov davam etdirib. Bu dəfə Avropa çempionatının mükafatçısı macarıstanlı Zoltan Harcsa boksçumuzun zərbələri qarşısında aciz qalıb. 2:1 hesablı qələbə idmançımızın finala gedən yolunu açıb. Bu mərhələdə o, gənclər arasında Avropa çempionatının gümüş medalçısı irlandiyalı Maykl Oreylli ilə üz-üzə gələcək.

14:44

13:41

Azərbaycan boksçusu Albert Səlimov finala çıxıb.

Boksçumuz Albert Səlimov (60 kq) yarımfinalda İrlandiya idmançısı Sin Makkombu mübarizədən kənarlaşdıraraq finala çıxıb. Görüş 3:0 hesabı ilə təmsilçimizin xeyrinə yekunlaşıb.

O, finalda fransalı Sofian Umia və polşalı Mateuş Polski görüşünün qalibi ilə qarşılaşacaq.

13:32

Azərbaycanın qadın boksçusu Yana Alekseyevna (57-60 kq) finala gedən yolda “Bakı-2015”-in beynəlxalq idman elçisi, Olimpiya çempionu, dünya və Avropa çempionatlarının dəfələrlə qalibi irlandiyalı Keti Teylor ilə gərgin keçən görüşdə 1:2 hesabı ilə məğlub olaraq Avropa Oyunlarında bürünc medalla kifayətlənib.

13:20

Bakı, 26 iyun, A. Yadigarov, S. Allahverdiyeva, AZƏRTAC

İyunun 26-da “Baku Crystal Hall”da keçirilən boks yarışlarının on birinci günü yarımfinal görüşləri ilə start götürüb.

Bu gün rinqə 57-60 kiloqram çəki dərəcəsində qadın, 60, 69, 75 və 91 kiloqramlarda isə kişi boksçular çıxacaqlar.

Azərbaycanın qadın boksçusu Yana Alekseyevna (57-60kq) finala gedən yolda Olimpiya çempionu, dünya və Avropa çempionatlarının dəfələrlə qalibi irlandiyalı Keti Teylor ilə görüşəcək. Bu çəkidə digər yarımfinal görüşündə Fransa idmançısı Estel Mosli və almaniyalı Taşeena Buqar görüşəcəklər.

Kişi boksçuların mübarizəsində Azərbaycanın dörd idmançısı mübarizəyə qoşulacaq. 60 kiloqramda çıxış edən Albert Səlimov qızıl uğrunda mübarizəsini davam etdirmək üçün irlandiyalı Sin Makkomba qalib gəlməlidir.

Pərviz Bağırov (69 kq) Böyük Britaniya idmançısı Yoş Kelli ilə münasibətlərinə aydınlıq gətirəcək.

Digər idmançımız Xaybulla Musalovun (75) yarımfinaldakı rəqibi isə macarıstanlı Zoltan Harcsa olacaq.

Səhər saatlarında Azərbaycan boksçularından son döyüşü 91 kiloqramda Abdulqadir Abdullayev rusiyalı Sadam Maqomedova qarşı keçirəcək.

Axşam saatlarında isə 5 çəki dərəcəsində final görüşləri keçiriləcək.

Avropa çempionatının mükafatçısı Elvin Məmişzadə qızıl medal qazanmaq üçün italiyalı Vinçenzo Pikardini məğlub etməyə çalışacaq.

İkiqat Azərbaycan çempionu Kollazo Sotomayorun (64kq) da finalda rəqibi İtaliya boksçusu olacaq. O, Vinçenzo Manyakapre ilə qızıl medalın taleyinə aydınlıq gətirəcək.