Azərbaycan Dövlət İnformasiya Agentliyi

SİYASƏT

“Azərbaycan multikulturalizm modeli: etnomədəni müxtəliflik” mövzusunda beynəlxalq konfransda maraqlı məruzələr dinlənilib YENİLƏNİB VİDEO

Bakı, 28 noyabr, AZƏRTAC

Azərbaycan Respublikası Əsir və itkin düşmüş, girov götürülmüş vətəndaşlarla əlaqədar Dövlət Komissiyasının təşkilatçılığı, Bakı Beynəlxalq Multikulturalizm Mərkəzi, Azərbaycan Milli Elmlər Akademiyasının (AMEA) ixtisaslaşdırılmış institutlarının dəstəyi ilə Bakıda “Azərbaycan multikulturalizm modeli: etnomədəni müxtəliflik” mövzusunda beynəlxalq konfrans keçirilib.

AZƏRTAC xəbər verir ki, konfransda Azərbaycan Respublikasının Prezidenti Administrasiyasının millətlərarası münasibətlər, multikulturalizm və dini məsələlər şöbəsinin, Prezident yanında Strateji Araşdırmalar Mərkəzinin, Heydər Əliyev Mərkəzinin, Bakı Beynəlxalq Multikulturalizm Mərkəzinin nümayəndələri, Milli Məclisin deputatları və aidiyyəti dövlət orqanlarının əməkdaşları, Azərbaycan Respublikası Gənclər Təşkilatları Milli Şurasına üzv olan gənclər təşkilatlarının rəhbərləri, AMEA-nın Qafqazşünaslıq, Hüquq və İnsan Haqları institutlarının aparıcı elmi işçiləri, İsrail, ABŞ və Böyük Britaniyadan olan siyasi təhlilçilər, jurnalistlər və tədqiqatçılar iştirak ediblər. Bundan başqa, Azərbaycan Alban-Udi Xristian İcmasının üzvləri, yerli və xarici KİV-lərin nümayəndələri də tədbirə qatılıblar.

Konfrans iştirakçıları əvvəlcə Dövlət Komissiyası və Bakı Beynəlxalq Multikulturalizm Mərkəzi tərəfindən nəşr edilən əyani vəsaitlərlə tanış olublar.

Əsir və itkin düşmüş, girov götürülmüş vətəndaşlarla əlaqədar Dövlət Komissiyasının katibi, işçi qrupunun rəhbəri İsmayıl Axundov konfransı açaraq onun məqsədi, müzakirə olunacaq məsələlər barədə ətraflı məlumat verib. Bildirib ki, əsas məqsəd Prezident İlham Əliyevin müdrik rəhbərliyi ilə həyata keçirilən düşünülmüş və uğurlu siyasətin mühüm tərkib hissələri olan tolerantlığın və etnomədəni müxtəlifliyin qorunub saxlanılması, mədəniyyətlərarası dialoqun rolunun artırılması, multikulturalizmin nümunəvi Azərbaycan modelinin təbliği və təşviqidir.

İsmayıl Axundov deyib ki, yüzilliklər boyu Azərbaycanda məskunlaşan müxtəlif mədəniyyətlərə və dini etiqadlara mənsub xalqlar sülh və əmin-amanlıq şəraitində, dinc, yanaşı yaşayıb, aralarında heç bir ayrı-seçkilik olmayıb. Ölkəmizdə milli və dini dözümlülüyün, tolerantlığın yüksək səviyyədə olması faktdır və bu, Azərbaycan xalqının güc mənbəyidir.

Vurğulanıb ki, Prezident İlham Əliyevin və birinci xanım Mehriban Əliyevanın son illərdə bu sahədə gördüyü işlər nəticəsində Azərbaycan mədəniyyətlərarası dialoq, dünya mədəniyyətinin və sivilizasiyaların qarşılıqlı təsir məkanına uğurlu transformasiya olunub.

Dövlət Komissiyasının katibi qeyd edib ki, konfransda insan hüquq və azadlıqlarının, mutlikultural dəyərlərin qorunduğu, tarixən tolerant mühitin mövcudluğu, xalqların sülh və harmoniya şəraitində yaşadığı, Ermənistanla müharibə şəraitində olmasına baxmayaraq, hazırda ölkəmizdə yaşayan on minlərlə erməniyə qarşı da dözümlülük nümayiş etdirildiyi, bunun əksinə olaraq, monoetnik Ermənistanda ksenofobiyanın dövlət siyasətinin əsas tərkib hissəsi olduğu, burada yaşayan etnik qruplara qarşı diskriminasiyanın mövcudluğu, xüsusən Ermənistan ordusunda onların təqib olunması kimi məsələlər müzakirə ediləcək.

Beynəlxalq konfransda Prezident Administrasiyasının millətlərarası münasibətlər, multikulturalizm və dini məsələlər şöbəsinin baş məsləhətçisi Etibar Nəcəfov “Multikulturalizm Azərbaycan Respublikasının dövlət siyasəti kimi” mövzusunda məruzə edib. Diqqətə çatdırılıb ki, Azərbaycanda multikulturalizm dövlət siyasətidir. Bu siyasətin Azərbaycanda bərqərar olmasında ulu öndər Heydər Əliyevin rolu böyükdür. Müasir dövrdə bu siyasət Prezident İlham Əliyev tərəfindən uğurla həyata keçirilir. Multikulturalizm təzahürlərindən biri Azərbaycanda dövlət və din münasibətlərinin yüksək səviyyədə olmasıdır. Bu isə özünü dini azadlıqların təmin edilməsində, bütün dinlərin və dini məzhəblərin qanun qarşında bərabər olmasında, onların fəaliyyətinə dövlət tərəfindən dəstək göstərilməsində və dinlərarası münasibətlərin qarşılıqlı hörmət və əməkdaşlıq əsasında qurulmasında göstərir. Multikulturalizm siyasəti dövlətin inkişafında mühüm rol oynayır. Azərbaycanda multikulturalizm siyasəti səmərəli şəkildə həyata keçirilir. Ölkəmiz dünyada multukulturalizm mərkəzi kimi tanınır və onun bu sahədə rolu yüksək qiymətləndirilir, təcrübəsi öyrənilir.

Etibar Nəcəfov qeyd edib ki, ölkəmizin xarici siyasətinin əsas istiqamətlərindən biri dünyada mədəniyyətlərarası və sivilizasiyalararası dialoqun təşviqidir. Bu istiqamətdə Azərbaycan böyük uğurlara imza atıb. Bunlardan biri “Bakı Prosesi”dir. Bu çərçivədə 2008-ci ildən indiyədək Azərbaycan bir sıra beynəlxalq tədbirlərə uğurla ev sahibliyi edib. Bu onu deməyə əsas verir ki, Azərbaycanın multikulturalizm siyasəti həm daxili, həm də xarici siyasətdə özünü göstərir.

Bakı Beynəlxalq Multikulturalizm Mərkəzinin icraçı direktor əvəzi Rəvan Həsənov “Azərbaycan multikulturalizminin siyasi və hüquqi əsasları” mövzusunda məruzəsində bildirib ki, multikulturalizm xalqımızın həyat tərzidir və mədəni müxtəliflik dövlət siyasəti səviyyəsinə qaldırılıb. Bakı Beynəlxalq Multikulturalizm Mərkəzinin fəaliyyəti barədə məlumat verən R.Həsənov deyib ki, Mərkəz bu günədək Azərbaycanın multikulturalizm dəyərlərinin dünyada təbliği istiqamətində müxtəlif layihələr həyata keçirib. Bu mərkəzin yaradılmasında əsas məqsəd Azərbaycandakı etnomədəni müxtəlifliyin öyrənilməsi, bu zənginliyin xarici ölkələrdə təbliğidir. Hazırda Azərbaycan multikulturalizmi fənni dünyanın 17 məşhur universitetində tədris olunur. Mərkəzin səkkiz ölkədə filialı fəaliyyət göstərir, növbəti mərkəzin ABŞ-da açılması gözlənilir. Beynəlxalq təşkilatlar Azərbaycandakı multikultural modelini, multikultural münasibətləri nümunə kimi göstərirlər. Dövlətin bu sahəyə qayğısı olaraq, ötən il ölkəmizdə “Multikulturalizm İli”, bu il isə “İslam Həmrəyliyi İli” elan edilib.

Sonra Mərkəzin İsraildəki nümayəndəliyinin rəhbəri, beynəlxalq münasibətlər sahəsində tanınmış ekspert Arye Qutun “Azərbaycan multikulturalizmi Ermənistan monoetnikliyinə cavabdır” mövzusunda məruzəsi dinlənilib. O qeyd edib ki, Azərbaycan müxtəlif millətlərin dinc və sülh şəraitində yaşadığı çox nadir dövlətlərdən biridir. Azərbaycanın multikultural ənənələri dünya dövlətləri üçün nümunədir. Ölkə rəhbərliyi yəhudi icmasının adət və ənənələrinə də diqqət və qayğı ilə yanaşır. Vurğulanıb ki, Ermənistan Azərbaycanın 20 faizdən çox ərazisini işğal edib, ölkədə bir milyondan çox qaçqın və məcburi köçkün var. Bütün bunlara baxmayaraq, Azərbaycan dinlərarası dialoqda nümunə göstərir. Ölkədə antisemitizmin heç zaman müşahidə olunmaması təqdirəlayiqdir.

İsrailli ekspert deyib ki, Ermənistan ən monoetnik ölkədir, orada şovinizm, millətçilik, habelə faşistlərin və antisemitlərin tərifinin göylərə qaldırılması Sarkisyan rejiminin dövlət siyasətinin ayrılmaz tərkib hissəsidir. Faşist cəlladı Njdenin abidəsinin açılışında Ermənistan Prezidenti Serj Sarkisyanın iştirak etməsi faktı təsdiqləyir ki, onlar özlərini erməni faşisti və antisemit Qaregin Njdenin əsl varisləri sayır, öz cinayətkar əməlləri ilə onun davamçısı olduğunu göstərir.

“Ermənistan-Azərbaycan Vətəndaş Sülh Platforması”nın idarə heyətinin üzvü, erməni əsilli tarixçi-alim Artur Ağacanov “Qarabağ erməniləri çoxmillətli suveren Azərbaycanın bir hissəsidir” mövzusunda məruzəsində bildirilib ki, xalq diplomatiyası münaqişənin həllində aparıcı rol oynayır. Dağlıq Qarabağ münaqişəsinin nizamlanması ilə bağlı bütün variantlar irəli sürülsə də, hər hansı irəliləyiş əldə olunmayıb. Bizim fəaliyyətimizlə bağlı yanaşmalar fərqlidir. Lakin tədricən insanlar bizə qoşulur və bu bizi sevindirir.

Beynəlxalq konfransda “Ermənistan-Azərbaycan Vətəndaş Sülh Platforması”nın idarə heyətinin digər üzvü, ictimai fəal Rima Sarkisovanın “Azərbaycan multikulturalizmi tolerantlıq prinsiplərinə sadiqliyin əyani nümunəsidir” mövzusunda məruzəsi də dinlənilib. Qarabağ münaqişəsinin Ermənistandakı millətçi dairələrin təxribatçı və düşmən siyasəti nəticəsində başlandığını qeyd edən məruzəçi deyib: “Erməni millətinin bütün nümayəndələrinə müraciət edirəm. Sarkisyanın faşist hakimiyyətini dayandırmaq və torpaqlarımızda sülhün bərqərar olmasına nail olmaq vaxtıdır. Bugünkü tolerant, inkişaf etmiş və sivil Azərbaycanda multikulturalizmin və beynəlmiləlçiliyin uğurlu adaptasiyası bu modelin parlaq təcəssümdür. Mədəniyyətlərarası və millətlərarası münasibətlər məsələsi münaqişə ilə üzləşən xalqlar üçün ağrılı məsələdir. Azərbaycanda etnik və dini tolerantlıq yüksək səviyyədədir”.

Amerikalı siyasi təhlilçi, beynəlxalq jurnalist Piter Teys “Azərbaycanın işğal olunmuş ərazilərində etnomədəni irsin dağıdılması” mövzusunda məruzəsində qeyd edib ki, Ermənistan Azərbaycanın etnomədəni irsini dağıdıb, ölkənin ətraf mühitinə böyük zərər vurub. Ermənistan Azərbaycana qarşı hərtərəfli terror törədib. Təəssüflər olsun ki, Avropa İttifaqı, ABŞ və dünyanın əsas gücləri Ermənistan tərəfindən günahsız Azərbaycan xalqına qarşı törədilən bütün bu insanlıq əleyhinə zorakılıqlar və cinayətlər qarşısında susqunluq nümayiş etdirirlər. Dünya ictimaiyyətini Ermənistanın faşist rejimi tərəfindən insanlıq əleyhinə törədilən cinayətlərə reaksiya verməyə çağıran Piter Teys vurğulayıb ki, ermənilər Dağlıq Qarabağ vasitəsi ilə dünyaya narkotik vasitələr ixrac edir. Ermənistan Avropaya və bütün dünyaya təhdiddir.

AMEA-nın Hüquq və İnsan Haqları İnstitutunun aparıcı elmi işçisi Moisey Bekker “Ermənisayaq” multikulturalizm” mövzusunda məruzə ilə çıxış edib. O, Azərbaycandakı multikulturalizm modelini nümunə adlandıraraq deyib ki, burada yəhudilər və digər millətlər tarixən birgə yaşayıblar. Ermənilər isə onların dini və mədəni abidələrini məhv ediblər.

Ermənistanda hazırda faşist diktaturası hökm sürür, faşizm rejimi hətta müqəddəsləşdirilib. Bu nəinki digər millətləri, hətta regionda yaşayan başqa xalqların da təhlükəsizliyinə təhdiddir və qorxu hissi yaradır. Monoetnik dövlət olan Ermənistanda yaşayan etnik qrupların sayı kəskin şəkildə azalıb. Ermənistan tarix boyunca ölkədə yaşayan etnik qruplar olan rusları, yəhudiləri və azərbaycanlıları mərhələli şəkildə ərazisindən çıxarıb. Belə bir kəskin demoqrafik dəyişiklik heç bir ölkədə müşahidə olunmayıb.

Konfransda, həmçinin Əsir və itkin düşmüş, girov götürülmüş vətəndaşlarla əlaqədar Dövlət Komissiyasının işçi qrupu rəhbərinin müavini Eldar Səmədovun “Azərbaycan xalqının qəhrəman övladlarının Vətən uğrunda şücaət nümunələri” mövzusunda məruzəsi də dinlənilib. Eldar Səmədov diqqətə çatdırıb ki, qədim dövrlərdən etibarən Azərbaycanda müxtəlif xalqlar və millətlər birgə yaşamış və dilindən, dini-etnik mənsubiyyətindən asılı olmayaraq, Vətənimizin inkişafında əvəzsiz rol oynayıb, müqəddəs torpaqlarımızın yadelli işğalçılardan müdafiəsində çiyin-çiyinə iştirak edərək qəhrəmanlıq nümunələri göstəriblər.

Ermənistanın aşkar təcavüzü ilə bağlı münaqişənin silahlı mərhələyə keçdiyi 1991-ci ildən ermənilər istisna olmaqla, Azərbaycanda yaşayan bütün xalqlar tarixi Vətənin ərazi bütövlüyü uğrunda döyüşlərə qatılıb. Onların bəziləri həlak olub, itkin düşüblər. “Adları Azərbaycan tarixinə qızıl həriflərlə əbədi həkk olunmuş 215 Milli Qəhrəmanımızdan 16-sı ölkəmizdə yaşayan xalqların dəyərli nümayəndələridir. Bu igid övladlarımız doğulduqları Azərbaycan Respublikasının suverenliyi, dövlətçiliyi və ərazi bütövlüyü uğrunda canlarını qurban verib və əbədiyyətə qovuşublar. Qədirbilən xalqımız və dövlətimiz bu qəhrəmanları heç vaxt unutmur, adlarını əbədiləşdirərək gənc nəsillərə nümunə kimi təqdim edir, hərbi vətənpərvərlik tərbiyəsinin formalaşması işində onların qəhrəmanlığı önə çəkilir. Dağlıq Qarabağ uğrunda döyüşlərdə qəhrəmanlıqla döyüşərək şəhid olmuş və Azərbaycanın Milli Qəhrəmanı adı verilmiş igid təyyarəçilərimiz, ləzgi, ruslar, ukraynalıların, Qusar rayonunda ləzgi ailəsində doğulmuş Azərbaycanın Milli Qəhrəmanı Çingiz Qurbanovun əziz xatirələri yaddaşlardan heç vaxt silinməyəcək”, - deyə Eldar Səmədov bildirib.

Sonra tarixçi-alim, tədqiqatçı Azər Səlimovun “Ermənistanın Azərbaycana qarşı uğursuz təxribat-pozuculuq cəhdləri”, Böyük Britaniyanın London İqtisadiyyat Məktəbinin tədqiqatçısı Mikaela Nikolettanın “Azərbaycanda etnik müxtəliflik”, AMEA-nın Qafqazşünaslıq İnstitutunun əməkdaşı Turan İsmayılovanın “Ermənistanda ifrat millətçilik və ayrı-seçkilik”, Azərbaycan Respublikasının Alban-Udi Xristian dini icmasının sədri Robert Mobilinin “Tarixə baxış: Alban Apostol kilsəsinin erməniləşdirilməsi cəhdləri”, AMEA-nın Qafqazşünaslıq İnstitutunun əməkdaşı Nəsibə Mirzəyevanın “Gürcü kilsələrinin erməniləşdirilməsi məsələsi” mövzularında məruzələri dinlənilib.

Məruzələrdə Azərbaycan dövlətinin uğurla reallaşdırıldığı və beynəlxalq aləmdə rəğbətlə qarşılanan mədəniyyətlərarası dialoq, tolerantlıq və multikulturalizm siyasətinin ümumbəşəri dəyərlərin qorunmasında və beynəlmiləl münasibətlərin genişləndirilməsindəki yeri və rolu barədə danışılıb. Monoetnik və təcavüzkar Ermənistanda hökm sürən ksenofobiyanın, faşizmin və ifrat şovinizmin dövlət siyasəti səviyyəsinə qaldırılması, həmçinin sürətli inkişafın, xalqlararası dostluğun və əməkdaşlığın rəmzinə çevrilmiş bölgə ölkələrinə separatçılıq və milli ayrı-seçkilik kimi təhlükələri “ixrac” etməsi cəhdləri və bunun ümumi sabitlik, əmin-amanlıq üçün doğurduğu qorxulu fəsadlar barədə dünya ictimaiyyətinin diqqətinə ünvanlanmış məlumatlar paylaşılıb. Habelə Ermənistanın təcavüzkar, qeyri-konstruktiv və dağıdıcı fəaliyyətinin ifşa olunması ilə bağlı konkret və əsaslı faktlar əyani şəkildə göstərilib.

Daha sonra mövzu ətrafında aparılan müzakirələrdə çıxış edən Qafqazşünaslıq İnstitutunun direktoru, Milli Məclisin deputatı Musa Qasımlı Ermənistan hakimiyyətinin dağıdıcı fəaliyyəti barədə belə müzakirələrin nəticələrinin dünya ictimaiyyətinə çatdırılması baxımından konfransın önəmini yüksək qiymətləndirib. Həmçinin Azərbaycan dövlətinin multikultural siyasətinin və ölkəmiz barədə həqiqətlərin təbliği baxımından bu tədbirin əhəmiyyəti xüsusi vurğulanıb.

Dövlət Komissiyasının katibi, işçi qrupun rəhbəri İsmayıl Axundov səmərəli müzakirələrin aparıldığı konfransda səslənən məruzələrin vahid bir nəşrdə toplanılaraq müxtəlif dillərə tərcümə edilib yayılacağını söyləyib.

“Azərbaycan multikulturalizm modeli: etnomədəni müxtəliflik” mövzusunda beynəlxalq konfransda maraqlı məruzələr dinlənilib YENİLƏNİB VİDEO

Xəbəri sosial şəbəkələrdə paylaşın

Bizi sosial şəbəkələrdə izləyin

Korrupsiyaya qarşı mübarizəyə dair seminar keçirilib

Elm və Təhsil Nazirliyinin bu şöbələri ləğv edilib

Zaqatala Rayon Mərkəzi Xəstəxanasında aşkarlanmış qanunsuzluqlarla bağlı cinayət işi başlanıb

Avropa Azərbaycan Məktəbinin direktoru BSU tələbələri üçün təlim keçib

“Təhsil və zaman” – yeni nəşr

Azərbaycan yığması Avropa çempionatında tarixi qələbəyə imza atıb

YAP Səbail təşkilatında Ulu Öndər Heydər Əliyevin xatirəsi anılıb

Gəncə Dövlət Filarmoniyasında “Heydər Əliyev və Gəncə mədəniyyəti” adlı film təqdim edilib

İraq Azərbaycan şirkətlərinin azad edilmiş ərazilərdəki təcrübəsindən faydalanmaq istəyir

“Azərbaycan dilinin Meğri şivələri” monoqrafiyasının ikinci nəşrinin təqdimatı olub

Nazir müşaviri Təhsil İnstitutunun direktoru vəzifəsini icra edəcək

Şuşa və Göygöl rayonlarına prokuror təyin olunub

Elm və Təhsil Nazirliyinin aparatında struktur dəyişikliyi edilib

Milanın “La Skala” teatrı mövsümü Verdinin operası ilə açır

Genetik Ehtiyatlar İnstitutu COST proqramının 6 yeni layihəsinə qoşulub

BDU-nun nümayəndə heyəti Çin Renmin Universitetində olub

Bakıda Beynəlxalq İnsan Hüquqları Gününə həsr olunmuş tədbir keçirilib

COP28-in doqquzuncu günündə Azərbaycan pavilyonunda üç paralel tədbir keçirilib

Avropa Olimpiya Komitələri və Beynəlxalq Əlaqələr Komissiyasının iclası keçirilib

Bakıda “Məhmət Akif Ərsoy. Seçmə şeirlər” kitabının təqdimatı olub

Azərbaycanın beynəlxalq konfranslara və forumlara ev sahibliyi etməsi ənənə halını alıb - ŞƏRH

Peşə təhsili müəssisələrində təhsilalanlar fövqəladə hallarla bağlı maarifləndiriliblər

Dini Qurumlarla İş üzrə Dövlət Komitəsinin sədri Sumqayıtda vətəndaşları qəbul edəcək

AYNA: Ən çox nəqliyyat vasitəsinin növbədə olduğu gömrük postu “Qırmızı Körpü”dür

Moskvada MDB İqtisadi Şurasının 100-cü iclası keçirilib

Ulu Öndər səhiyyəni cəmiyyətin həyatında ən mühüm sahə kimi qiymətləndirib

“Azərbaycan Respublikası Milli Məclisi komitələrinin sədr müavinlərinin seçilməsi haqqında” Azərbaycan Respublikası Milli Məclisinin Qərarında dəyişiklik edilməsi barədə
Azərbaycan Respublikası Milli Məclisinin Qərarı

“Azərbaycan Respublikası Milli Məclisi komitələrinin sədrlərinin seçilməsi haqqında” Azərbaycan Respublikası Milli Məclisinin Qərarında dəyişiklik edilməsi barədə
Azərbaycan Respublikası Milli Məclisinin Qərarı

Şahdağ Milli Parkının direktoru: Burada nadir və nəsli kəsilməkdə olan bitki və heyvan növləri qorunub saxlanılır

İlin ötən dövründə Şahdağ Milli Parkını 10 minə yaxın turist ziyarət edib

Ağalı kəndində özünüməşğulluq proqramı çərçivəsində növbəti təsərrüfatlar yaradılıb

“X” sosial platforması süni intellekt proqramını istifadəyə verir

Andrey Yatskin: Ölkələrimiz arasında münasibətlər ittifaq səviyyəsindədir

Azərbaycan Respublikası Nazirlər Kabinetinin 2000-ci il 6 mart tarixli 38 nömrəli Qərarı ilə təsdiq edilmiş “İş yerlərinin attestasiyasının keçirilməsi Qaydaları”nda dəyişiklik edilməsi haqqında
Azərbaycan Respublikası Nazirlər Kabinetinin QƏRARI

Beynəlxalq STEAM Azərbaycan Festivalının bağlanış mərasimi keçirilib

Azərbaycan Dövlət Aqrar Universitetinin yenidən təşkili və Nizamnaməsinin təsdiq edilməsi haqqında
Azərbaycan Respublikası Nazirlər Kabinetinin QƏRARI

Hərbi qulluqçulara növbəti daimi mənzillər verilib

Heydər Əliyev Mərkəzində FIA Baş Assambleyasının yekun iclası başa çatıb

Məzahir Pənahov: İşğaldan azad edilmiş ərazilərdə seçki məntəqələri quraşdırılacaq VİDEO

Qərbi Balkan ölkələri öz gələcəyini Aİ-yə inteqrasiyada görür

Əli Hüseynli: Son danışıqlar bizə regionda sülhün əldə olunması üçün böyük ümidlər verir

Mədəniyyət naziri Naxçıvan şəhərində Heydər Əliyev Muzeyini ziyarət edib

Abşeron rayonunda qətl törədən şəxs barəsində cinayət işinin istintaqı yekunlaşıb

Milli Məclisdə Azərbaycan və Rusiyanın əməkdaşlıq üzrə Parlamentlərarası Komissiyanın 20-ci iclası keçirilir

“Honda” 1 milyon 138 min avtomobilini geri çağıracaq

BSTİ: Direktor müavinlərinin işə qəbulu üzrə müsahibələrə dekabrın 14-də start veriləcək

SAF 2023 – Beynəlxalq STEAM Azərbaycan Festivalında 27 komanda birinci yerə layiq görülüb

Mərkəzi Seçki Komissiyası növbədənkənar prezident seçkiləri ilə əlaqədar iclas keçirir

Moskvadan Tbilisiyə gələn təyyarə eniş edə bilməyib

Yığma üzvü: Milli komanda onların rəhbərliyi ilə çox yaxşı nailiyyətlər qazanacaq MÜSAHİBƏ

Vladimir Putin prezident seçkilərində iştirak edəcəyini bildirib

Heydər Əliyevin strateji yol dərsləri – məqalə

“Aztelekom” Yevlax rayonunu GPON texnologiyası ilə yüksəksürətli internetlə təmin etməyə başlayıb

Goranboy rayonunun Qaradağlı kəndində bərpa olunmuş kəhriz yerli icmaya təhvil verilib

GDU-nun tələbələri Göygölün tarixi məkanlarına ekskursiya ediblər

Rusiya Federal Məclisinin Federasiya Şurasının nümayəndə heyəti Fəxri xiyabanda Ulu Öndərin məzarını ziyarət edib

Bakı, Sumqayıt və Abşeron rayonu üzrə dekabr ayının pensiyaları ödənilib

Ermənistanda əsirlikdə olan Hüseynin anası: Arxayın idim ki, Prezidentimiz nə mənim övladımı, nə də Aqşini erməni əsirliyində buraxmaz

Moskvada qeyri-qanuni miqrasiya ilə mübarizə məsələləri müzakirə olunub

Azərbaycan və Estoniya rəqəmsal transformasiya liderlərinin inkişafı proqramına start verirlər

Suraxanıda tanışını qəsdən öldürməkdə təqsirləndirilən şəxs barəsində cinayət işi məhkəməyə göndərilib

Bakı metrosundan bu il 830-dan çox fiziki məhdudiyyətli şəxs istifadə edib

Bakıda “Heydər Əliyev irsi: tolerantlıq və multikultural dəyərlər” mövzusunda konfrans keçirilib

“YAŞAT” Fondunun yaradılmasından 3 il ötür

Agentlik: Bakı və Abşeronda məhəllədaxili su anbarları yuyulub

ATMU əməkdaşlıq imkanlarının genişləndirilməsində maraqlıdır

Sədr: Satışların artırılması biznesin dayanıqlı olmasında önəmlidir

Silahlı münaqişə ocaqlarında həyat fəaliyyətinin təhlükəsizliyi problemi - elmi konfrans

Nərimanov rayonunda qış mövsümü ərəfəsində yanğın təhlükəsizliyi sahəsində mövcud vəziyyət müzakirə olunub

Türkiyə ilk milli süni intellekt üzərində çalışır

Paytaxtın Nizami rayonunda ağacların kəsilməsi faktı təsdiqini tapıb

BDU və Pekin Xarici Dillər Universiteti arasında anlaşma memorandumu imzalanıb

Qəzzadan daha 114 xəstə müalicə üçün Türkiyəyə gətirilib

Nazir Adil Kərimli Naxçıvanda vətəndaşları qəbul edib

“Heydər Əliyev Məktəbi” layihəsi yekunlaşıb

KİV: Mario Draqi Avrokomissiyanın sədri postuna əsas namizədlərdən biridir

“Araz Vadisi İqtisadi Zonası” Sənaye Parkında 420-dən çox daimi iş yeri yaradılacaq - AÇIQLAMA

Şərqşünaslıq İnstitutu illik hesabat verib

Hulusi Kılıç: Cənubi Qafqazda yeni dövrün başlamasını arzulayırıq

“YAŞAT” Fondu təhsil və yaradıcı potensialın inkişafı istiqamətində 703 nəfərin xərcini qarşılayıb

Gəncə terrorunda valideynlərini itirən Sevilin nikah mərasimi olub

Narkomaniyaya qarşı mübarizədə pedaqoqun və fənn müəlliminin rolu barədə danışılıb

“Sürünənlərin Darevskia cinsində partenogenez hadisəsi” - BDU-da elmi seminar

Vətən müharibəsi iştirakçısı: Torpaqlarımız azad olduğuna görə çox xoşbəxtəm

Azərbaycan ilə Avropa Şurası arasında əməkdaşlıq gündəliyində duran məsələlər ətrafında fikir mübadiləsi aparılıb

PMS imtahanının I mərhələsinin nəticələri açıqlanıb

Ərdoğan: Azərbaycanla sülhə əsaslanan münasibətlər Ermənistan üçün ən yaxşı variantdır

Aİ üzv ölkələrə Rusiya qazının idxalını dayandırmaq səlahiyyəti verəcək

Şəki Dövlət Dram Teatrı bayram günlərində uşaqları yeni tamaşa ilə sevindirəcək

Türkiyə Prezidenti: Fransa Ermənistana yaxşılıq etmir, əksinə ona pislik edir

Aqrar Kredit və İnkişaf Agentliyinin sədri Beyləqanda vətəndaşlarla görüşəcək

Güc idman növləri üzrə Azərbaycan yığması dünya çempionatının qalibi olub

Rusiya XİN-in rəsmi nümayəndəsi Azərbaycan Prezidentinin Administrasiyası və Ermənistan Baş nazirinin Aparatının birgə açıqlamasını şərh edib

Qadın voleybolçular arasında Azərbaycan çempionatında ilk turun oyunlarının keçirilmə vaxtı açıqlanıb

Son üç ildə könüllü olaraq polis orqanlarına 553 odlu silah və 80 minə yaxın döyüş sursatı təhvil verilib VİDEO

“Vüqar Həşimov Memorialı”nın açılış mərasimi keçirilib VİDEO

BDU rektoru Pekin Universitetində olub

Yanvar-noyabr aylarında 371 minə yaxın şəxs aktiv məşğulluq tədbirlərinə cəlb edilib

Lerikdə qanunsuz çöl donuzu ovlayan şəxs saxlanılıb

Vətən Müharibəsi Qəhrəmanı: İndi azad olunan o yerləri ziyarət etmək arzum var